الزهرة تقوله لمصطفى خيرِ البريّهْ

يا ليت قبلَك كان وافتني المنيّهْ

نادى عليها وبشّري يا نورَ عيني

آني بعدْ أيام فاطمْ تلحقيني

حِينكْ فلا هو بعيدْ فاطمْ بعد حيني

نادى حسن واحسينْ منْ قبلِ المنيّهْ

خلّي حسن وحسين يا فاطمْ يجوني

أبغي أودّعهمْ قبل ما يفقدوني

نوحوا لفقدِي يا بتوله واندبوني

حطّوا المآتم يا بتوله والعزيّهْ

ساعة ولنْ جاهِ الحسنْ مع خوَّه لحسينْ

والكُلُّ منهم قابض الثّاني بليدينْ

من حينْ عاينهم بكى خيرُ النبيّين

حنْ وجدب ونّه لهم خيرُ البريّهْ

نادى تعالوا يا اُولادي لي ابسرعهْ

المسموم واللي ابكربلا ينكسرْ ضلعهْ

واُخته عنّه تمشي ولا تحصل تودعهْ

اُويبقى رميّه في اتراب الغاضريّهْ

والحسنْ كنّي بالطشتْ كبدَه رماها

واجنازتكْ يحسينْ تبقى في عَراها

اُوزينب تنادي ليتني أبقى معاها

ننصبْ عليها إظلال وانسوي عزيّهْ

من بعدْ عيني يا ولادي اللهُ إلكُمْ

من سفرتي لا بدْ ما يا بني نجيكُمْ

يوم التحطّوا ابكربلا نقصدْ إليكُمْ

نجي لكُمْ زوّار بأرضِ الغاضريّهْ

صارت صوايح يومْ نعش المصطفى انشالْ

وجبريلْ عزّى في السما اسرافيلْ مِيكالْ

في يوم موتهْ ماجتْ السبعُ السماواتْ

ابسبعِ العُلا جبريل نادى المصطفى ماتْ

الله يعظّم فيه أجركْ يبو الحملاتْ

مأجور في المختارِ يا خوّاض الهلالْ

وأرض المدينة اتزلزلتْ من يوم شالوهْ

والبضعةْ الزهرة تناديهم دخّلوهْ

خلّوه باقي اليوم لَطفالَه يودعوهْ

ما تسمعون أصواتَهم يبكوا بولوالْ

يبكوا وينادوا جدّنا المختار وينهْ

بعده يزهرة ظلمتِ الدّنيا علينا

يا ليتنا بعده يزهرة ما بقينا

يا ليتنا من قبلْ نعشه نعشنا انشالْ

واللهِ افجعنا يوم شخصه غاب عنّا

لا وين بالوالي بتمضي وتوحشنا

وإن كان باتسافر يبو إبراهيم خذنا

وسط اللحد ويّاك ما ظلت لنا أحوالْ

والبضعة إللي قلتْ يا بويه احفظوها

حتّى عليك امنِ البكا جو يمنعوها

ولا كفاهم ضربهم بل سقطوها

فعل الذي سوّوه فطّر حتّى لجبالْ

ما حدْ يبويه يحملَه وآني حملتَه

والمـُحسنْ اللّي في وسطْ بطني طرحتَه

لحامي الجار من قادوه يا به من حجرتَه

ودّوه يجرّونه بالحبالْ

على النبيِّ المصطفى يبكي المحرابْ

اُو تبكي صلاةُ الخَمس يوم عزّها غابْ

اُوراحت لقبرَه اوودّتْ السبطين معها

تمشي اُوهي تجري على الوجنَه دمعها

سمعت حنين المصطفى يوم السمعها

واهوتْ على القبرالشريفِ اتصيح يايابْ

حقْ الرسالة يا محمّد ما تأدّه

منهم ولا شفنا كرامة اُو لا مودّه

جاني الظالمْ واتبعه غيره ابعدَه

اُورايات معقودات داروها على البابْ

ولا كفاهُمْ غصب ميراثي اُو منعي

حتّى اعصروني وكسّروا يا ياب ضلعي

اُوبس ما سمعني يا الاُبو أبكي اُوأنعي

قالوا اضربوها لا تصبْ الدمع سكّابْ

والله يبو إبراهيم ما بطّل حنيني

ما دام يطرق مسمَعي واتشوفْ عيني

جماعة اللّي أسقطوا بعدَكْ جنيني

اُوقادوا وصيَّكْ واعصروني إبصاير البابْ

قلها يبنتِ المصطفى خفّي شكاياك

يوم القيامة تجتمع بالحشر ويّاك

وابدي الشكايةاُو ناخذإبحقكْ مِنِ اعداكْ

لا بدّ ما يأتونْ كلٌّ حاملِ كتابْ

يأتوا ابيوم ما يسمعهم فيه إنكارْ

وابدي الشكاية أو يأخذ إبحقكْ الجبّار

وانا خصيمُ اللّي لفي بالحطبْ والنارْ

والكُلُّ يذكر ما صنع في يوم الحسابْ

لحد يبو ابراهيم دشّوا ابيتك ارجالْ

اِسمع حنينَ اُمَّ الحسن تشكي لك الحالْ

دخلوا على قوم اسلموا من قبل خيفهْ

من حيدر الكرّار يذبحهُمْ ابسيفَه

اُوكلمَنْ تذكّرْ للضغاين واخذ حيفَهْ

اُوفيهم معادٍ في ألف خيّال

انهضْ يبو ابراهيم شوف اُمْ العزيزَينْ

إجنتْ عليها اُمّتك شيئاً أمرّينْ

وامنِ البُكا والنوح ما جفّت لها عينْ

بعدك يبو ابراهيم اش قاستْ منَ اهوالْ

إنصاف ما فيكُم بقى ياهل المدينهْ

إنكان أبويَه المصطفى عفتون دينَهْ

بالله أتركونه لا إلينا اُولا علينهْ

صيروا مثل لوَّل بليا دين جهّالْ

من يوم أبويه ما حصل أجر الرسالهْ

بعتوا السهم منّه اُوتهتوا بالضلالهْ

أجره على الوحي انقطع منّي ابهبوطه

وابكي على المحسن نحلجسمي ابسقوطه

اُوذاك العدو ورّم امتوني ابضرب سوطه

من رصّني بالباب تحتِ الولد في الحالْ

والله عجايب والدي يسكن بالقبورْ

واَني نحيلَه امن الضرب والضلع مكسورْ

وانته يبو الحسنين جالس كيف ما تثورْ

المشتكى لله اُو رسوله من هلفعالْ

حزني لبويه مات واوحشني محلّهْ

ما مات إلّا مبتلى منهمْ إبعلّهْ

وامن العجايبْ كيف سمتوني ابذلّهْ

دَنهض يبويه امنِ القبر عاين هلفعالْ

قومك ييابه خالفوا فينا الوصيهْ

وتواثبوا كلهم على بعلي اُو عليّهْ

يابه أخبرك نحلتي منّي خذوها

اُو بنتك يبويه بعد عينك روّعوها

إضلوعي يبويه اِبصاير الباب كسروها

وتواثبوا كلهم على بعلي اُو عليّه

ليتك تراهم يوم هجموا داخل الدارْ

من بعدها وجّوا يبويه الباب بالنارْ

اُوحامي الحمى جالس يبو ابراهيم ما ثارْ

وآني حزينهْ واذرف ادموعي جريّه

اُوليتك تشوف المرتضى يوم اللي سحبوهْ

واللهِ صعبهْ قايد الأبطال قادوه

وابني الحسن يبكي وينادي بويّه خلّوهْ

خلّوه لينا نلتجي باظلال فيّه

خلّيتني بعدَك نحيله باكية العينْ

مادري شقاسي من أذيّة واجدب اُونينْ

أبكي الكسرضلعي لوأبكي اِسقوط لجنينْ

أو اجعل حنيني ليك يا خير البريّه

أخبرك يا يابه عن فدك ويا لعوالي

أخذوها عقب ما خانوا الأوّل اُوتالي

اُولا خلّفوا طعمه إلي ويا اطفالي

والله امصيبة زلزلتْ سبع العليّه

حطّت عزية فاطمة الزهرة لبوها

اُونسوان هاشم بالنياحة ساعدوها

جسمي انتحل والثوب متني ما يشيلهْ

واسقوطيَ المُحسن دعى جسمي عليلهْ

وافراق أبو ابراهيم خلّاني نحيلهْ

اُوقوم الظلم نحلتي منّي أغصبوها

والله لقيم النوح في صبحي اُومسائي

واجعل شرابي مدمعي اُوزادي عزائي

قومك ييابه امنعوني عن بكائي

كيف العزيزة عن بكاها يمنعوها

اظلم عليّه البيت وأوحشني المنبرْ

اُوعيني تهل اِدموعها اُوقلبي تفطّرْ

وآني حزينة اُوفي العزا ويّاي حيدرْ

وصّيتْ يابه والوصيّة ما رعوها

دومي أنادي والدمع بالخد سكّابْ

بس من غبت يا نور عيني تحت لترابْ

ضربوا العزيزة واعصروها إبصاير البابْ

واضلوع جنبي وسط بطني كسّروها

المحراب خالي يالولي والبيت أظلمْ

والدين من بعدَك يبو القاسم تهدّمْ

ما حصل لينا ننصب إلفَقدك المأتمْ

قوم الظلم للشريعة غيّروها

حزني على حيدر وصيّك نور الاسلامْ

ذاك الأسدْ معدود كيف اتقوده أغنامْ

قادوه املبب علم العلّامْ(١)

اُورتّبه الباري اُورتبتك عنه رووها

ناحت على ابوها اُو حطّت له عزيّه

اِتنادي يبويه استوحشت داري عليّه

كلما على الخدّين صب المدمع اُوسالْ

يغشا عليها امن البُكا واتطيح في الحالْ

قالوا تسلّي يا بتولة قالت امحالْ

ما ينقضي نوحي على خير البريّه

ليت المنايا عاجلتني قبل هالحين

قبل المنابر تختلي من وجهه الزين

واعظم عليّه الحسن ينشد خوّه لحسين

ايقله يخويه وين جدنا هالعشيه

ويذوب قلبي من يقول اِحسين جدّي

ينفت قلبي امنِ الحزن واتذوب كبدي

واَقول ليهم بس تلفتوني يولدي

جدكم مضى في حضرة القدس العليّه

عافوا يبويه الزاد وانتلفوا من الجوع

ما يأكلون الزاد حتّى يمتلي ادموع

واليُتم ناحلهم اُوظل الكُلّ موجوع

وآني احن اُواجدب الونه خفيّه

دوبي اسكّت هلطفال اللي احدائي

نوب اسكّتهم اُونوب اظهر بكائي

اُوكلما يون اِحسين زيّدني نعائي

بعدك يبويه جارت الدّنيا عليّه

اُو أنْ السبط اُوطاح فوق الظهر في الحينْ

قومي الجدنا انروح يا ستّ النّساوين

واقول سكتوا يا اُولادي اُوقرة العين

لوجدكُم كان موجود ما خلا الجيّه

كلما يقولوا لي يا زهرة وين جدنا

انشوف ما بين رسول الله عدنا

أقول جدكم راح للجنّة أو وحدنا

الله أكبر يا لها امصيبه اورزيّه

مرّت على محراب أبوها اُودمعها ايسيل

قالت له يا محراب وين امصلي الليل

اردت الى المنبر تقله وين الأملاك

في وقت ما يخطب أبويه حفّت احداك

خلني يمنبر بالعزا يا نوح ويّاك

خلنا نصب الدمع حتّى سيله ابسيل

كاد اينفطر المنبر من بكاها ويتهدّم

حن اُوتزفر واسبلت جدرانه ابدم

حسبي على مَن هو على حيدر تقدّم

حالي اُوحالك بالسواي بعفيفه الذيل

يَم الحسنْ واِحسين قولي الفيض العلُومْ

لَيكون يجفيني تراه اليوم مهضومْ

لو لم يكن إلّا يجيني امن الشهر يوم

صاير نهاري عقب أبوك المصطفى ليل

منبر ابويه من ابويه صرت خالي

والله يمنبر وين عنّك مضى الوالي

قلها قضى نحبه اُومضى اُوسوء حالي

واَسوء حال الضايعات المالها أكفيل

فاطمْ على موت النّبي المختار تجدب الونّهْ

واتقول أبويه سافر يا لحور فرجوا عنّه

ما ظن أبويه يرضى باللي عليه جاري

يا ياب ما رحموني اُودخلوا عليه داري

ما ظنتي تنساني لكن قضى الله جاري

بعدك على المرتضى نصب الماتم فنّه

ليتك تعاين حاله يوم انه ايسحبونه

ليتك نظرت إلبيتي يوم العدى أيحرقونه

ليتك شفتني بعدك في منزلي محزونه

ليتك شفت سبطينك والكُلّ يجدب ونّه

أمّا الحسن من بعدك دايم يهل ادموعه

واِحسين مرتاع الحشاماسكن بعدك روعه

وآني حزينة ابداري اُو بمصيبتك مفجوعه

دوبي أهل دموعي وأجدب عليك الونّه

أمست يبويه داري اِبنار الحطب مشبوبه

وآني العزيزة عندك واليوم آني مضروبه

والنّحلة اللي ليّه منها آني مغصوبه

يا ليت يومي قبلك ما رحت يابه عنّه

قامت تودّع للنّبي وادموعها همّاله

يا شايلين المصطفى بالهون يا شيّاله

وانتهوا بعد يولادي راح الذي يحميكم

من بعد عينه يا بني منهو الذي يكفلكم

وآني الذي رمّلني وانتهوا الذي يتّمكم

أما آني يولادي عنكم آني شيّاله

لزمت ضريح الهادي اُوصاحت ابصوت عالي

يا والدي يا محمّد ليتك تعاين حالي

صرت ابهضم وامذلّه والهم شاغل بالي

اتمنّيت آني قبلك يابه آني شيالّه

بالنار حرقوا بيتي اُو بالباب كسروا ضلعي

ماحدبقي يا والدي بعدك ينشّف دمعي

إرثي امنعوني منّه اُوباحبال قادوا سبعي

اُودخلوه بوسط المحراب ليتك تعاين حاله

بعدك بخبرك بالعدى رادوا به ايقتلونه

وصل ضريحك يبكي ويهل دمع اعيونه

يا مصطفى من قبرك انهض عسى ايخلونه

ليت المدينة بعدك حلّت بها زلزاله

جارت عليه الاُمّة اُوغصبوا حقّه عنّه

يا والدي يا محمّد نالوا الضعاين منّه

وآني اضلوعي امكسّره واجدب عليك الونّه

والناس كلها ابدهشه في مشكله اُو زلزاله

اُولزمتضريح الهادي اُوفي الحال صارت ظلمهْ

اُوفي الحين جاهاالمرتضى ايكفكف دموعه ابكْمّه

قلها يزهرا والدك رحمه لهذي الاُمّهْ

ردّت تحن اُوتنتحب واُدموعها همّاله

مات اُودفن في داره مات اُو دفن في داره

حطّوه فوق المغتسل واتشعشعت أنواره

مدّوه فوق المغتسل يا وجنة تزهي له

يمغسلين الطاهر طاهر قبل تغسيله

لحد يدار الهادي ما أوحشك هالليله

حنّي يغبرة اُوونّي بعد النّبي ياداره

مدّوه فوق المغتسل يا ليتني الممدوده

في هالقبر والرضّه يا ليتني الملحوده

وانته ترد للدنيا واصير آني المفقوده

واتعود يا بدر الدجى يا لساطع بأنواره

يومك إلي يا والدي أنحس إلي مِن أمسي

اتمنّيت آني بعدك إنْ أصبحت ما أمسي

وأظلم عليّه كوني يوم إلغبت يا شمسي

حالي كمكفوف البصر ليله سوا ونهاره

مثلك ماشفت ميت مات اُوتشعشع نوره

تشتم ريح الجنّة من رايحة كافوره

لحد يراية عزّي يوم أصبحت مكسوره

ظلّيت آني بعدك يا والدي مختاره

كيف استطيع افراقك وانته حشاي وفادي

وانته يبويه شربي وانته يبويه زادي

يا ما على كتفينك يابه حملت اُولادي

حنّي يغبرة اُووني بعد النّبي ياداره

يا تربة الضميتي جسم النّبي العدناني

باسايلك ما ينقل تربك ضريح الثاني

باقسم عليك إبشأنه اُوباقسم عليك إبشأني

سوّي محل واخذيني تحت البدر باجواره

فاطمْ تقول لولادها وإدموعها همّالهْ

قوموا نودّع للنّبي حطّوه في شيّاله

طلعت اُوهيه اتنادي اُوشبلينها ويّاها

يا والدي يا محمّد يا مصطفى يا طاها

عن بضعتَكْ باتسافرتشمتْ عليها اعداها

وانكانْ عنّي شايل وياك آني شيّاله

لحد يبو شبليني باتروح عن شبليني

وآني العزيزة عندك باتروح واتخلّيني

الله لَشد إعصابتي واَهمل مدامعْ عيني

وانكانْ عنّي شايل وياك آني شيّاله

يا عزوتي يا رجالي قوموا ادفنوني حيّه

من غيرماي جاري اُومن غير غسل اُونيّه

لجله لَشد إعصابتي ما دام عيني حيّه

واِمن الحزن لتحمّل حمل يكض شيّاله

بالهون يا شيّالة بالهون يا شيّالَه

نعش النّبي المصطفى بالهون يا شيّالَه

يا مجهّزين الهادي بالهون لا تشيلونهْ

خلّه تجي له عزونه(١) واجماعته ايحضرونه

خلّوا البتولة اتودعَه من قبل ماتدفنونهْ

خلّه تجي سبطينه هاليوم تنظر حالَهْ

جتّي البتولة إتنادي مَعْ والدي دفنوني

يا ياب عفت الدنيا بعدك ينور اِعيوني

يا ياب جتني قومك وابنارهُم حرقوني

اُوقادوا وصيّك وتركَوا لمدامعي همّالهْ

ما دابها إلّا تنتحب في دارها واتنادي

قوموا لقبرِ المصطفى بانروح يا اُولادي

ننصب عزانا عنده إنحشمه وانْادي

يا بوي صرنا بعدك في ذلْ واسوأ حالهْ

يعقوب ما صار ابحزنْ يا ياب مثل أحزاني

ولا دنيه نالتْ مثلي اُو عشير أشجاني

وأظلم عليّهْ كوني واتشمّتت عدواني

بعدك رمتني الدّنيا اُو معتادها ميّالهْ

يابه عليّ المرتضى دخلوا عليهْ إبدارهْ

والأجنبي يا بويّه بعدك حرّقها اِبنارهْ

وآني صرت يا والدي بين العدى محتارهْ

والحسن سبطَك ينتحب واِمدامعه همّالهْ

واِحسين سبطك يبجي دوبه يجر الونّه

في وين جدنا المصطفى ذاليوم سافر عنّه

اُوحيدر يون اُوينتحب والنوح صاير فنّه

ويقول عنّي سافر هاللي عشت باظلالهْ

ما تثُور يا حيدر عليْ تتدارك الدّينْ

منبر الهادي ينتخي باسمك يبو حسينْ

منبر الهادي ينتخي باسمك يضرغامْ

بعد النّبيِّ المصطفى اتضعضعْ الإسلامْ

ترضى يحيدرْ يدخلوا بيتي هلقوامْ

دخلوا عليّه اُو والدي من غير تكفينْ

خلِّ الصبر يا بو الحسنْ ما هو محلّهْ

والأجنبي يا بو الحسن بيتي يدخلهْ

اِنهض يحيدر سيفك البتّار سِلّهْ

واصعد مقامك يا علي واتداركْ الدينْ

مكسور ضلعي اُو منزلي محروق بالنارْ

واجنين بطني سقّطه واَنبت المسمارْ

واليوم يومك يا علي اِنهض يمغوارْ

اُوهدّي امحزاتك عَليْ يمشيّد الدينْ

يوم الهزاهز والوقايع والشدايدْ

ما قَط وتيت ولا جزعتْ اللهُ الشاهدْ

وإنكان تريني يا بتولة اليوم قاعدْ

عندي وصيّة اِمن النّبي خير النبيّينْ

صبري يزهرةعلى الأذى اُوتكسير الضلوعْ

وآني يزهرة عن مقامي اليوم ممنوعْ

إيحق لك يزهرة[لو]بكيتي اِبسكب الدموعْ

بس الله الله في اُولادي الحسن واحسينْ

والله يزهرة ما بقت لك بهجة إفادْ

في يوم واحد فاقده الوالد ولولادْ

إمصيبت الأولاد يا هي ذوبتني

واَنحلت جسمي ما يشيل الثوب متني

لحّد يبوية رحت عنّي اُوضيعتني

وأهل المدينة حرموني الشرب والزادْ

ما بين أني اللي مقابله إبوجهي المحرابْ

لَسمعْ ولَن القوم والصرخة على البابْ

فرّيت لا دافعْ ولا مانع ولا ذابْ

اُو بالباب شفت اِمجمّعة أعداء اُوحسّادْ

قيدومُهم ضنوة صهاكْ الحبشيّهْ

هاللي من الظلّام نسلٌ والبغيهْ

قلتْ الله الله من النّبيْ ماني الوصيّهْ

قال الوصية ما فعلنا بك إلّا إعنادْ

قولي العلي يظهر النا الساعة يبايعْ

قلت الأسد ما تقوده الأغنام طايعْ

قالوا يبايع وانْ أبى ألّا يبايعْ

هاليوم يُقتل قلت وا ضيعة هالاُولادْ

بس ينذبح أدري أنه واُولادي إنضيعْ

اُو عندي من المعلوم ابنْ عمّي فلا يطيعْ

والحُر ما ينجلب حقّ السّوم والبيعْ

أبداً ولا طير السعد بالأيدي ينصادْ

والله يزهرة هالشهر أكشر اُوميشومْ

قومي يزهرة واِنصبي مأتم المسمومْ

الله على اللي لك سعى واتسبب اُوشار

واللي سعى لك بالحطبْ والجيش والنارْ

اُو كسّر اِضلوعِك واَخرجوا حيدر الكرّارْ

اُوسقّط جنينَك في أحشاكِ اُو زادك إهمومْ

شهرينْ ما فيهم أبد ساعة هجعتي

عاشور فيه ابذبحةِ اِحسين اِفتجعتي

اُوكلْ ساعْ عن واحد إمن اُولادِك سمعتي

واِللي قضى مذبوح واللي راحْ مسمُومْ

نوحي لبو القاسم ترى يستاهل النُّوحْ

هذا أبو آدم وبو حوّا وبو نُوحْ

نُوحوا لجلْ فقده اُوصبّوا الدمع مسفوحْ

قلبه ترى من اُمّته بالقهر مهضُومْ

نوحي على مِن شيّع إبفضلك اُوشهّر

اُوبيّن اِبفضلك مثل نورِ الشمس والشّهرْ

حتّى اُولادك في رباهم تَعب واَسهرْ

ويقول فاطم بضعتي واُولادها اِنجومْ

جتّك اِمصيبة أسّستْ كُلّ المصايبْ

منها تعلّمتي تشدّين العصايبْ

مِنْ يوم أبو ابراهيم ضمّته الترايبْ

كُلّ المصايب أسّستها اِمصيبة اليومْ

لولا مصابُ الجُرح قلبي والدمع صبْ

ما كان نلتين الهضمْ والذّل والضربْ

ولُولاد كلّها شتّت بالشرقِ والغربْ

وصلَتْ شتايتهم إلى بلدان العجومْ

والله عَجبْ يابنِ الحسن صبركْ على الثار

ما كمل جندكْ لو ما آذن لك الجبّارْ

الخيل عندَكْ والمواضي لكْ مُطيعهْ

اُوالأملاك من جندكْ اُوكُلّ جندكْ الشّيعهْ

تملي على العدوانْ هالأرض الوسيعهْ

اِبخيل عجاجتها تغطّي شمس لنهارْ

اُوسوفي العدا يومٌ مثلْ يوم القيامهْ

ابجيش عرمرم ضيّق الدّنيا ازدحامهْ

اُوخَلِ الرمح والسيف يروي من الهامهْ

نشاهداُوخل الدّمااَمنِ الهام يشبهْ سيل لمطارْ

يمته يبو صالحْ نشاهد هالعلاماتْ

وانشوف اذياب الفلا ترعى مع الشاةْ

اُو نسمع ندا جبريل في اُفق السماواتْ

اُو كلما عراكُمْ من الذلّة طول العمارْ

ثارات إلك يابنَ الحسن من أوّل اُوتالْ

يوم الوصي جدّك يقيدونَه بلحْبالْ

واُمّك الزهرة روّعوها قومُ الانذالْ

اُو عندك من المعلوم حرق البابِ بالنّارْ

معذورة هالزهرة إذا هلّتْ دمعْها

ما ينّسي للحشر فعلُ القوم معها

دخلوا عليها اُو كسّروا منها ضلعها

اُو صارالسبب في اِسقوطهاعصرة بالجدارْ

وألقتْ جنيناً ما تكامل في اِشهورَه

اُو شافت الزهرة ساطعاً للأرض نورَهْ

جرّت اِلونّة صارخة ذيك الوقورَه

ونادتْ اِبصوت تصيح يا حيدر الكرّارْ

شاهدت يابنَ العمِّ فعل القوم ويّاي

ابنك المُحسن أسقطوهمن داخل اِحشاي

اُوترضى العدى اِيكسرون ضلعيوانتَه حماي

من ويش ما تنفر اُوبيدك سيف لفقارْ

نادى عليها اُودمعته اِبخده جريّهْ

مقبول عتبِكْ يا بِنِتْ خيرِ البريّهْ

تخْسَ العدى اِيقربون ليج لولا الوصيّهْ

اُوصى أبوكِ محمّد الهادي المختارْ

صِبري مثل صَبري على سيف ابن ملجمْ

اُضرب على راسي وفرض الصُّبح ما تَمْ

واطيح في المحراب شيبي امخضّب ابدَمْ

وألزم الراسي بليمين وهَم باليسارْ

اُوعنّي الحسن واِحسين في منزلهمْ اِنيام

اُو هذا المُصاب ايصيبني في شهرِ لصيامْ

اُو لا يهل العيد إلّا اُولادي أيتامْ

اُو تلبس بني هاشم سواد إصغار واكبارْ

جدّك عليُّ المرتضى اللي قتل مرحبْ

واللي قتل عمرواُوكشف عن أحمدَ الكربْ

بآخر صلاتَه بوسط المحراب يُضربْ

ويطيح في المحرابْ من [ ضربة] الغدّارْ

جدّك حسافة مات ما تمّم اِصيامَهْ

وأبقى الحسن واِحسين من بعدَه يتامَهْ

صار المُرادي سَببْ للدينِ انهدامَهْ

اُوظلّتْ الشيعة بالحزنْ لَه طول لعمارْ

لو كُنتْ حاضر كان دمع العين هلّيتْ

تنظر لجدّك شايلينة يشبه الميّتْ

اُوصارتْ الضجّةاُوسمعواالصيحةاِبكلّ بيتْ

اُوصار الوقتْ ما ينعرفْ ليلَ من اِنهارْ

اُوجبريل نادى في السما يا ولاد آدمْ

صبّوا على الكرّار إن عاز الدمع دَمْ

ركنِ الهُدى والدين من بعدَه تهدّمْ

والشرع والإسلام ركنَه مال وانهارْ

دارْ الوحي دخلوها دارْ الوحي دخلوها

والبضعة المعصومة يا والدي ضربوها

وصيّت فوق المنبر بالدّرّة المعصومَهْ

اُوجوني يبويه بعدك هالعصبة الميشومَهْ

ليتَك تشوف الغالية فوق الوَجه ملطومَهْ

اُوجابواالحطب يالوالي ودارالوحي حرقوها

فزّيت يوم الجوني وآني أهلِ اِدموعي

وآني يبويه الفقدَك بعدَه مَيسكن روعي

فزّيت ابلزم بابي اُوكسروا يبويه اِضلوعي

ترضى يبويه داري من بعدك اِيدخلوها

يابوي يوم الأجوني اُودخلوا عليّه داري

وآني حزينة اُوفاقدة خير انبياءِ الباري

هتكوايبويه اِحجابي اُوهتكوايبويه اِخداري

اُوكلّ الوصيّة اِتخالفتْ دار الوحي دخلُوها

نادى الحسن وآجدي واِحسين اينادي يامّهْ

اُوهذايجي للثاني اِيكفكف دموعَه اِبكمّهْ

ياهي امصيبةَ عظمى اُوياهي علينه ملتمّهْ

يوم العدى وصلتنه اُودار الوحي دخلُوها

الله يحيدر صبّرك مثل الصخَر بل زايدْ

إنتَه الاُسود اِتهابك واِنته إليهمْ قايدْ

كيف الأعادي تهجمْ بالدار واِنته قاعدْ

اِيدخلوااعليكْ اِبدارك اُودارالوحي حرقوها

اِقعد يبو ابراهيم شوف اللي علَيْ صار

مكسور ضلعي اُومنزلي محروق بالنّارْ

جيتك أخبرَك واَشتكي فعلة القومْ

استهضمتني اُمّتك يا كنز العلُومْ

يا مُصطفى ليتَكْ تعاينْ حالي اليومْ

مكسور ضلعي ما إلى ثاير ونغّارْ

اُمّتك يا هادي علينه ردّت اِردودْ

ردّتْ ظلم يا ياب تطلب منك احقُودْ

بالباب عصروني اُوعلي سحبوه مَقيودْ

يردونّه أنْ يخضع اُوهو حيدر الكرّارْ

يوم اَعصروني وطحت مغشيّه عليّه

اُوحيدر يعاينّي ولا ينْغر عليّه

اُو لَمن أفقتْ اُوعاينتْ داري خِليّهْ

سايلتْ فضة وين عنّي حامي الجارْ

قالتْ خَذوه القُوم يا بنتِ الرسالهْ

وامكتفة ايمينة يزهرة مَعَ اشمالَهْ

وضعوا وسط حلقَه حبال قوم الظلم(١)

اُوراحوا به امكتّف يزهرة يا امْ لطهارْ

فرّيت مذعورة اُولَن حيدر مشوا بيهْ

لَهل الظُّلم إللي قَصدهم إلبطش بيهْ

واَدركتهم يا ياب قبل ايوصلوا بيهْ

ردوئر(٢) اُو ألموني اِبسوطهم قوم لشرارْ

من بعد عينك كَم عدو جار اُوتعدّه

اُوجاني اِبيتي يتبعه جنده اِبهدّه

اُودخلوا عليّه يا رسول الله اِبشدّه

والنار شبّوا بمنزلي اُوصار الذي صارْ

اُونخيتْ بصحابك ولا واحد رحمني

يابه لخلّي النوح والتعداد فنّي

واِحسين اِيذوبني إلّا من نشدني

ويقول وينه جدّنا أحمد المختارْ

اُوهذي يبويه للفريضة إِيأذّن اِبلالْ

اُويهلّن لذكرَك يا رسول الله يسردالْ

وآني المصايب فوق راسي مثل لجبالْ

لقضي العمر بالنوح في ليل وانهار

بعدك فلا أبطل ولا هيّد منَ النُّوحْ

ليلي اُونهاري ما بقت في جسمي الرُّوحْ

لو عشتْ في الدّنيا مثل عمرِ النّبي نُوحْ

ولدعي اِدموع العين تجري مثل المطارْ

أسما تنادي فاطمة يا اُمْ البدورْ

والله مصابك يا حزينة اِيفت الصخورْ

ياما من البلوى اُومن ضيم حصلتيه

جسم الوصي بامصيبتك زهرة نحلتيه

فتحي اعيونك له يمحزونه اُو نظريه

تجري دموعه والقلب بالحزن مفطورْ

بالفرش مطروحه اُومن حولك يتاماك

يا ليت كُلّ أرواحنا زهرة فداياك

يا عيشة الكشرة يمحزونة بليّاك

عقبك فلا انعيّد ولا نستر باسرور

لمّن افاقت من الغشوه اُم لطهار

قالت يا اسما لا تصيحي ابصوت مجهار

لا تروعين لقلب ايتامي هلصغار

رحمي ابحال اِحسين قلبه صار مكسور

قرب لي اُولادي يبو الحملة بشعهُمْ

ما تصبّر الأولاد عن توديع اُمّهُمْ

قلبي عليهم ذاب من اذكر يتمهُمْ

لا سيما اللي ينذبح في شهر عاشور

باقول ياسما لولادي وحفظيهم

لا من بكوا بالنوح اسما سكتيهم

بافارق الأولاد وا حزني عليهم

ايحق لي على اولادي لصب الدمع منثور

اُونادت على حيدر اُومنها الدمع سفّاك

قالت يبن عمّي بوصيك أبيتاماك

وانكان يابن العَم عملت اقصور ويّاك

قلها فلا منّك بدي يا فاطمة اقصور

لكنْ أنا مني بدا في حقك اقصور

اسقاطك المُحسن اُومن ضلعك المكسور

اُومن لطمتك خدك اُومن جنبك المعصور

وانا ابعيني أنظرك يا زينة الحُور

نصبي يفضّة النوح والمأتم عليّه

لا من رأيتي حجرتي منّي خليّه

سمعي يفضّة للكلام اللي أقولهْ

قبل المنية ودّعي الزهرة البتولهْ

بوصيك يا فضّة أتبارين الحمولهْ

اُو بالأخص اُولادي يفضّة بالسويّه

لمّي شمل ليتام فضّة عن التبديد

بوجوههم بالك تصيحي اُوتصفقي الأيد

اُوعندي الخبر لن بناتي اتروح ليزيد

من كربلا للشام تتودى هديّه

ياُولاد منّي اتودّعوا قبل المنيّهْ

إنفارقتكم يا ولادي بهالعشيّهْ

مع السلامة يا ذبيح الغاضريّهْ

وانته يبو محمّد يمسموم الدعيّه

إنته يكلبي عقب عيني اتروح مسموم

شبّيت في قلبي ترى نيران لهموم

اُو حزني على اللي ابكربلا ينذبح مظلوم

الله ايعينك يا غريب الغاضريّه

أمّا اِخوك الحسن موتَه تحضرونَه

وقت احتضاره يا لولد تتحاولونَه

اُو في يوم دفنه للجنازة تحملونه

وانته تظل يا بني على الرمضة رميّه

تبقى ثلاثتيام لا سدر ولا كافور

اُوجملة أنصارك واخوتَك وكلكُم بلا اقبور

والأعوجيّة اترض منكم ذيك لصدور

والروس تحمل فوق روس السمهريّه

واخيامكم بالنار يا بني يحرّقوها

اُو كُلّ الحراير من خيمها ايفرهدوها

اُو تالي على الهزّل سبايا ايركّبوها

تبدي حنين ايفجّر اصخور القويّه

واللي يباري للضعينة عقب اهلكُم

زجر اُوخولّي لو بكيتوا يضربنْكُم

في كُلّ بلدة يا بناتي ايشهرنكُم

ليل اُو نهارٌ فوق أكوار المطيّه

في الحين دارت عينها الوالد السبطين

بالليل جهّزني ابخفيّة يا ابو الحسنين

اُو ليكون تبكي تكسر اقلوب اليتيمين

اُو حملة بناتي تفتجع كلها سويّه

بالليل جهّزني يحيدر معْ يتاماك

اُو ليكون في دفني أحد يشترك ويّاك

من هالذي يابو اِحسين آذاني وآذاك

ينتقم منهم خالقي ربْ البريّه

لمّن وصية بوي أوصى اُوضيّعوها

اضلوعي ابصاير باب بيتي كسّروها

إجنازتي شاهد لهم لا يحضروها

يابو الحسن لا يحضروا يصلّوا عليّه

عنهم فلا أرضى ولا أنسى فعلهم

كُلهم ترى عدوان ليّه القوم كُلْهم

وانته الذي منصوب رب السما إلهم

امضوا حكمهم فيك بالشمس المضيّه

تبقى جليس الدار في بيتك امأخّر

تجلس ابذلّة وغيرك اليصعد المنبر

منبر الهادي يصعدُونه دون حيدر

منهم بريّة يا علي منهم بريّه

مع السلامة يا ولادي امعا لسلامهْ

حانت الفرقة والملاقي في القيامهْ

وانته اْللي ما تنحال والضفعان حالوك

والله يبو الحسنين من أمرك عجيبين

من ضربتك مرحب يبويه الكُل تعجبْ

واتعجبوا من يوم طلعوا بك اِملبب

وأمّا ابن مُلجم ضربته أعجب اُو أعجب

أبكى السما اُو سكانها اُو سبع الأراضين

وانته البحر والدهر لكنْ غيرَ فاني

والبحر ما شفناه يُغرف بالأواني

يا ليت سيف الْلي على رأسك علاني

يا ليتنا يا ياب من قبلك فقيدين

اُو زينب تنادي والحشا يتوقد اُوقيد

تجدب الونّه اُو تصفق إيداً على إيد

متحيّرة يا ياب لا من أقبل العيد

اُو حزنك يبونه في حشانا طول لسنين

بالعيد يفرح من خلا قلبه اِمن التراح

واِحنا نعيّد في عزانا اُو لطم اُو نياح

عنا الهنا اُو لسرور من بعد الولي راح

كيف الهنا بالعيد واِحنه بك حزينِين

عيدُ الفطر جانا اُو حيدر بالترب غاب

اُوسيف اشّطررأسه أصاب الدين بصواب

داري عليّه مُظلمة بعد الأماجيد

جدّي اُواُمّي والأبو حيدر الصنديد

منهو يُصلّي بالجماعة ضحوة العيد

بعدك يسلطان الزمن ويقوم خطّاب

لاَحد يلمني في مناحي اُوفي حنيني

مثلي فلا ينلام يا ناس اِتركوني

هل كيف أعيّد والغضنفر نورُ عيني

مشقوق رأسه في الصلاة وسط المحراب

هل كيف أعيّد والقلب يفرح اُو يستر

والمرتضى شفته على اِفراشه امطبّر

يا عين صبي دمع يا قلبي تفطّر

روحي من الأحزان بادت والقلب ذاب

لاَحد يهنّيني اِبعيد الفطر يا ناس

خلّوني اِبحزني اعزي وألطم الرّاس

لجل الذي غاله ابصلاته نسل الاَرجاس

وا ضيعتي بعد الغضنفر داحي الباب

بعدك يحامي الدين يا حامي الحميّه

ظلمت اِدياري من عقب نورك عليّه

لنصب عزائي كُل صباح اُو كُل عشيّه

واَلطم على الخدّين واَدعي النّوح لي داب

بعدك ترَ المحراب خالي من خيالك

والعيد جا تترقب إعيالك اِقبالك

والبيت حنّ اُوناح والمنبر بكى لَك

إيقولون وينه راح عنّا داحي الباب

جا العيد والنّاس اَفرحوا وآني حزينه

أبكي على الكرّار سلطان المدينه

وا ضيعة الإسلام بعدك يا ولينه

ليت الأرض بادت قبل يحويك لتراب

زينب اِتنادي اُو تصفق إيداً على إيد

يا بوي ماتم لك نصبنا واَقبل العيد

يابوي في الكوفة عزى والعيد في الشام

لا سارت الركبان ليهم ودّتْ اَعلام

يومٌ يجيهم هالخبر أبرك الأيام

كُلْ مَن يُنادي راح من يردي الصناديد

عيد الفطر ماهُ إمبارك والضحيّه

أبداً ولا دنياتنا صارتْ هنيّه

أقبل علينا العيد واحنه في عزيّه

والحُزن لَجلك وسط الحشا زايده أزيد

أقبل علينا العيد يا سور اليتامى

اُوكُل من يهنّي صاحبه اِبعيد السلامه

واحنا ولينا مات ما تمم اِصيامه

هيهات من بعد الولي ما نهتني اِبعيد

وانته وصيِّ المصطفى واِنته الخليفه

اُومنّك يحيدر ترتجف الاَكوان خيفه

والله عجايب صابك الفاجر اِبسيفه

اُوصوتك يبويه ايفجّر اصخور الجلاميد

يابوي ما حد في الحرايب أخذ حيفك

كم ضيغمٍ حزّيت راسه اِبحدِّ سيفك

يوم المطارد في الحريبة ايطيب كِيفك

فنّك يبويه الحرب واملاقي الصناديد

فعلك مهو منكور يا مروي الأسنّه

لا جالت الفرسان واشتبكت لعنّه

كم بطلٍ حزّيتْ راسه اُورحت عنّه

اُوخلّيت فرسان الوغى صرعى على البيد

لولا القضا واللي اِنكتب باللوح صاير

ما غالك الملعون يا مُردي العساكر

والله عجايب كيف تحويك المقابرْ

واحنا عقب فقدك عجايب نلبس اجديد

حنّي حنين النيب واِبكي يا محاريبْ

على خطيبك يا منابر شقّي الجَيبْ

حنّي حنين النيب واِبكي يا حزينه

على إمام الِلي مضى اُو باتفارقينه

صلّى الصبح بيك اُوصلاة الظهر وينه

بدرك تحجّب أبد لا يظهر ولا يغيبْ

بدر تلالي ابمنزلك عزّك من اَول

منّك إلى غيرِك يمحزونه تحوّل

راح اعتبارك واعتمادك ولمعوّل

والْلي بناك اُو شيّدك بالغصب والطيب

حنّي اُو قولي وا إمامي وا إماماه

على قتيل حضّبوا شيبه من اِدماه

ضعتي مثل ما ضاعت أطفاله اُو يتاماه

مشقوق رأسه في صلاته اِمخضب الشيب

يابه ما شفنا الجبل يركب له السّيل

ولا الضفادع تلحق السابق من الخيل

والبحر ما شفناه ينزف بالغرابيل

والشاة لو أظفر زمانه ما فرس ذيب

اُو زينب تنادي والدمع منها سحايب

حيدر يسيف الله اُو باسهمه الصايب

كلّك عجايب يا علي اُو موتك عجايب

كيف المنايا اِسهامها في مثلك اِتصيب

المنبر تفطّر يا علي اُو عاتب المحراب

الله يمحراب اِنخدع داحي الباب

كنت السبب له والقضا يجري بلسباب

ضعنا عقب عينه بلا شكٍّ ولا ريب

يا أحمد المختار مات المرتضى اليوم

من ضربةِ الفاجر خضب شيبه بالدموم

أحمد الهادي ضربتك حسّ اِبوجعها

اُوحزنك سطا بلقلوب يا لوالي اُو فجعها

وانصابتِ الزهرا اِبعظم من ظلعها

أصبحت تبكي واَصبح المختار مهموم

تبكي على دمٍ جرا في سجدته اُوسال

جبريل جاوبها اُوصاح اِبصوت زلزال

إسرافيل ينعى في السما اُويّاه ميكال

والأرض ترجف والسما تبكيه باِدموم

ويلاه لو عينك يبو القاسم تشوفه

من حين في المحراب دمّه خضب جوفه

اُو جبريل صاح اُو زلزل اِبصوته الكوفه

اُومن صيحته سمعت نعاءه اُمُّ كلثوم

واِمن الخدر طلعت على اِخوتها تنادي

قوموا يسبطين النّبي أحمد الهادي

قوموا ترى بوكم فجعنا به المرادي

ثاروا من الدهشة اُودمع العين مسجوم

اُوراحوا إلى المسجد اُوشافوا داحي الباب

شافوه من سيف الردي الملعون مِنصاب

واقع على امصلّاه وامغرق المحراب

والشيب منّه مختضب من فيض الدموم

وقعوا على جسمه يقبّلونه اُو يبكون

حيدر على اِمصابك يبويه اِتزلزل الكون

يابويه خبّرنا أصابك أيّ ملعون

يا حجّة الباري اُو يا خزّان العلُوم

منّه جِسَرجالك اُو غالك وسط السجود

اُو خلّاك في المحراب مرمي ابنفسك اِتجود

طايح على اِمصلّاك في المحراب ممدود

والسّمُّ في جسمك سرا اُوفي قلبك اِيحوم

فتَّح اِعيونه اُو قال ليهم يا اُولادي

اِبهذا وعد جدكُم أبو القاسم الهادي

ما تسمعون الحور في الجنّة تنادي

عجّل مجيَّك يا علي نتنالك اليوم

قوموا إلى المنزل يشبليني اِحملوني

في وسطَتِ اِمصلّاي يابناي اِطرحوني

لا تزعجوني بالمشي واِتزلزلوني

شوفوا أبوكُم يا ولدي حاله اليوم

على وصيِّ المصطفى يا منبره نُوح

خلّاك خالي واِنضجع مع آدم اُو نوح

عنّك مضى اُو جاور إلى هودٍ اُو صالح

ما تسمع الأملاك في ضجّة اُو صوايح

والأرض ترجف والسما كُلْها نوايح

يبكيه آدم والنَّبي سامٌ معَ نوح

وادي المُقدَّس أهطلت أجفانه اِبدَم

اُوماجت الكعبة والحَجر مَعْ بير زمزم

اُو الأملاك في المعمور حطّتْ له المأتم

اُو جبريل مَعْ ميكال واِسرافيل والرُّوح

واِتزلزل الكُرسي المُصابه اُو مدمعه اِيسيل

واهتزّ عَرشُ الله لجله اُوكاد بيميل

والأرض كُلها اِتزلزلتْ من صاح جبريل

حيدر وليُّ اللهِ في المحراب مطروح

المنبر تزلزَل مِن سمع صوت المنادي

اُو يبكي على الْلي جدِّله اِبسيفه المرادي

وسفَه على اَبوالحملات في المحراب وسفه(١)

من بعد اَبو الحملات ما- تمّت -لنا روح

متعجّبين أنّ ابن ملجم كيف غاله

ولا إختشى الملعون من زهوة جلاله

والكون لو له عروةٌ بالكفِّ شاله

اِتزلزل على اِفراقه يمنبر واِندبه اُو نوح

اُولو صارت الدّنيا لها عروة حملها

بو اِحسين يحملها ولا اِيحسّ اِبثقلها

يحمل الدّنيا والأراضي السّبع كُلْها

يا ليتني قبل الوصي في التُّرب مطروح

يا هي اِمصيبة يوم عاينته رميّه

اُو عنده الحسن ويا غريب الغاضريّه

واُم المُصايب نايحة اُوحطّت عزيّه

اُوأمّا البتولة في قبرها سمعت النوح

واتقول وا حزني على الْلي ابفرضه اِنصاب

أعظم من اِضلوعي عليّه اُورصة الباب

هوَّن عليّه اِمصيبتي فجعة المحراب

اُودمعي مِن اِمصابه على الخدّين مسفوح

زينب يحيدر تجدب الونّة خفيّه

الله يردَّك يا بعد أهلي عليّه

ناحتْ على اِمصابك اُوهلّت للمدامع

مَدري بك المنبر فجعْنا اِبهل فجايع

لَحد يحيدر واِنطفى نورك اللامع

بدر الدُّجى ينخسف ما عظمها رزيّه

لَحد يمقتول الفرض ويّا السجْدَه

بالأمس عمر العامري ابسيفك تقدّه

هل كيف أشرّ الناس واَفجرهم وأرْدَه

يرديك في المحراب يا زين السجيّه

بالله يسبطين النّبي أحمد الهادي

دَم الاُبو لا يفوت بِه نغلُ المرادي

شوفوا بناته يا هَلي تبكي اُو تنادي

عن حال أبوها خبِّروها يا شفيّه

فرجُوا عن الوالي بشوفَه ويش حاله

يمْته أشوفه يخطب اُوانظر خياله

يخطب على المنبر وآني اَسمع مقاله

حوله اِرجالي واِخوتي كُلْهم سويّه

نذرٌ عليّه اِنكان أبويه اِمن المرض قام

لجلَه لسوِّي العيد قبل العيد بيّام

واَنشر لريات الفرح واَنشر الأعلام

اُو تستوي العيده يبعد أهلي هنيّه

سلّبت روحي من ونينك جارك الله

اُوفتّيت قلبي اِمن البكى يا عونة الله

قلها إحتسبي اِمصيبتي في جانب الله

لا بدّ كُل مخلوق بيذوق المنيّه

سمعت كلامه وأعولت ذيك الحزينة

واتشمْتتْ العدوان بالوالي علينه

اُوتتشمتِ الكوفة اُواهل الشامات فينه

معلوم قتلك فيه أسرارٌ خفيّه

أصبح يحيدر لجلك المُختار مهموم

والأرض ترجف والسما تبكيك بادموم

ما هو اُعجوبة لو بكى الكون اِبرجيفه

لكنْ اُعجوبة ابن الخنا طالك ابسيفه

وانته الصميدع مالي الأكوان خيفه

ما مشرك إلّا وامتلا من سيفك اهموم

في بير ذات العلم لجل الجنِّ نازل

سوّيت فيهم يا علي ضجّة اُو زلازل

وانته يبو الحسنين حلّال المشاكل

وانته أمير النحل يا كرّار معلوم

اُو جبريل نادى في السما اُوهلل اُو كبّر

ينعى اِمام اللي غدا في يوم خيبر

بيده دحا للباب اُوذاك الجيش عبّر

جيشٌ على زنده عِبر في ذلك اليوم

والجيش عابر يوم خيبر فوق زنده

وعمرو بن ودْ العامري بالسيف قدّه

والْلي قتل نوفل اُويد وشمل جنده

واَرويت وديان الحرب من سيفك اِدموم

حيدر الفضلك والفخر ماليه أقصى

واِنته الذي بيك النّبي خبّر اُووصّى

أحمد الهادي بالغدير أعلن ابنصّه

عن الأله الواحد القهّار معلوم

وانته الذي جبريل بسم اللهِ علّم

لولاك يا حيدر عليْ ما جا اِيتكلّم

ويش الذي سوّى ابن ملجم ليّه سلّم

حتّى أهابك اُوصاب بيك الفرض والصُّوم

ويش هالعجايب بِدت من نسل الملاعين

مدري أصابك في السما لو في الأراضين

لو هُوْ صعد للعرش والكرسي البعيدين

حتّى على فقدك يحيدر هلّتْ اِدموم

متعجبين أنّ ابن ملجم بحركُم خاض

واِنته البحر يا مرتضى الطامي الفيّاض

اِنته إمام الخلق والقائم بلفراض

واِنته وليّ الشرع يا كرّار والصُّوم

واِتزلزلتْ كوفانها من يوم صابوك

يومٌ على الأكتاف يا بو اِحسين جابوك

والله عجايب كيف ما العدوان هابوك

واِنته مليت الدهر خيفة واَفرس القوم

ينعاك موسى يا علي اُو عيسى بنُ مَريم

لك ناحتِ الكعبة اُو حِجرها اُوبير زمزم

يومك على الزهرا يحيدر صاير أعظم

واَشوَمها ساعة عليها واعظمه يوم!

ريضُوا اِبنعش الوالي ريضوا اِبنعش الوالي

والله فجعتوا اِقلوبنا ريضوا اِبنعش الوالي

لا ترفعون اِجنازتَه ريضوا ابنعشه ساعَه

خلّو الحزينة اِتجي له اُوتزود اِمن اُوداعه

خلّوا اليتامى اِتودّعه إقلوبهم مرتاعَه

والله فجعتوا قلوبنا ريضوا بنعش الوالي

جابوا يبويه البُردة من ضربتك مبتلّه

نمشي ورا شيّالك واَرواحنا منسلّه

نبكي على ضيعتنا اُو بعدك عرتنا الذلّه

والله فجعتوا اِقلوبنا ريضوا بنعش الوالي

يا شايلين اِجنازته ريضوا اِبنعشه ليّه

خلّو بناتَه اِتودّعه إقلوبها ملظيّه

هيْ شيلتك يا لوالي لو بعد لينا جيّه

والله فجعتوا قلوبنا ريضوا اِبنعش الوالي

يا شايلين المُرتضى طرحوه لا تشيلونَه

خلوا بناته اِتودّعه واِتودّعه المحزونَه

تتزوّد اِمن اُوداعه من قبل ما تدفنونه

بالله اِرحموا حالتنا ريضوا ابنعش الوالي

ما جا الإمام اِيصلّي ما جا الإمام اِيصلّي

باسايلك يا جامع ما جا الإمام اِيصلّي

يبكي عليه المنبر اُو يبكي عليه الجامع

اُو تبكي عليه الخطبة والموعظة والسامع

سمعوا اشيقول المنبراُو سمعوااِشيقول الجامع

يا ليت تلك الليلة ما جا الإمام اِيصلّي

منّه أنا متخجِّل يومٌ جرا لي دمَّه

والعين منِّي اِتشوفه يرم صوابه لمه

تبكي عليه اِعيوني اُوفرض قصر ما تمّه

هذاالفرض ينشدي ما جا الإمام اِيصلّي

ترب القبر صاير له أحسَن محل مِن أرضي

ليته قبل يجفيني كان اِبلعتني أرضي

مدري أشجن دمَّه يومٌ جرى في أرضي

يا ليت تلك الليلة ما جا الإمام اِيصلّي

أصبح يقلْ لي المنبر كُنت السبب والحيلَه

كُنت السبب في قتله اُومتك الغدروالحيله

خلنا نحطْ المأتم طول الدهر نبكي له

دارت علينا الجمعة ما جا الإمام اِيصلّي

يا عيدة الميشومه يا عيدة الميشومه

فيها فقدت الوالي يا عيدة الميشومه

فيها فقدت اسروري يوم فقدت الوالي

اُوظليت اَنا مدهوشة الله الرحيم اِبحالي

الله ايعودك ليّه يا شيخ كُلْ اِرجالي

يا ليت ما وافتني هالعيدة الميشومه

يومٌ فقدت الوالي ظلّيت أنا محزونه

يا ليتني في قبره قبله أنا مدفونه

الله يعودك لينا يا عزّنا اُويابونا

وين المسرة والهنا يا عيدة الميشومه

يا عيدة الميشومه فيها فقدت اِسعودي

اُوظلّيت أنا محزونة واَجري الدمع بخدودي

ما صار مثلي يا خَلق فاقد مثل مفقودِي

اُو فيها فقدت المرتضى يا عيدة الميشومه

واَنا فقدت الوالي واختفت عنّي اَنواره

يا زايرين المرتضى خبروه يا زوّاره

زينب ترَ من بعده ظلّت تحنْ محتاره

تصفق اِبراحة كفِّها يا عيدة الميشومه

عجّل يبو صالح لنا اِبرايات واَعلام

في ثار مقتول الفرض في شهر الصيام

مدري أبو صالح متى تبدي اِجنوده

يومك يبو صالح لنا قربة اُوعوده

في ثار من غالَه المرادي في اِسجوده

اِنهض لثار المرتضى زرّاق لرخام

فعل ابن ملجم ما خفى كُلْ البريّه

من سبعها السفلى إلى سبع العليّه

كُلٌّ سوى الله ناح من عظم الرزيّه

يبكو على منهو على اِفراش النّبي نام

على إمام لْلي فدى الهادي اِبروحه

والمفتدي بالرّوح زايد ليه نُوحه

طاها على الكرّار دمعاته سَفوحه

يجدب الونّه اُو ينتحب والدمع سجّام

ليته يشوفه يوم شقوا منّه الراس

حينٍ وقع من ضربته مخمود لنفاس

اُوجبريل ينعى في السمااُوسمعواالنعى النّاس

على شَبهْ يوشع اُو شيتٍ والنّبي سام

ينعى اِبموته عروة الوثقى اَفصموها

أعلام التقى والدين بعده نكّسوها

والشرع والإسلام رايتهم رموها

والكُلُّ منهم بعد داحي الباب منظام

اُوعنده الحسن يبكي اُو دمع عينه بيسيله

يابوي قلّي من فعل بك هالفعيله

قال ابن ملجم صابني نسل الرذيلَه

قله يبويه وين ولّى نسل للآم

سبط النّبي اِمن المسجداَقبل اُو تهمل عينه

حينٍ وصل للزهرا اُو سمعة الزهرا اِحنينه

من حين شافَت وجهه اُودمعه اعلى خدّه جاري

قالت يمهجة قلبي ما تقول ويش الجاري

أحرقت قلبي ابنوحك يا مهجتي اُويا داري

اُوحنْ اُوبكى واتحسّراُودمعه جرى من عينه

هالساع جينا الجدّي في مسجده بانزوره

من حين عاين لينا ضمّنا اُوزاد اِسروره

اُوحطنا على فخذينه اُوزاد اُوتباذر نوره

اُومن حين جبريلٍ نزل أقبل لنا اِيحيّينه

شَم الحسن في فمّه اُوحنّ اُوجدب للونّه

اُوشمني أنا في نحري اُوفاي أعرضْ عنّه

مَدريتْ ويش المانع حتّى جرالي منّه

قالت بنمضي الجدّك يا مهجتي المكنونَه

في الحال لزمت إيده إتريد به للجامع

وصلتْ لباب المسجدْ والنُّور منها ساطع

صاحت يا يابه اَخبرني شنهو السبب والمانع

اِتشم الحسن في فمَّه واِحسين صاير دونَه

قلها يزهرا اِسمعي سِر الذي اِتذكرينه

جبريل به خبّرني اُوها السّاع باتسمعينَه

بالسّم يقضي هذا واِحسين بيذبحونَه

قالت آني وافجعني طول الدّهر محزونه

واتزفّرت بنت النّبي والدمع منها بادي

اُوصاحت ألا وا ذلّي وافجعني باُولادي

والله مصايب حلّت ايكثّر لها تعدادي

من أجلكُم يا ولادي طول الدّهر محزونه

كبد البتولة مِن حشاها طاحتِ اليوم

اُو صارت الذلّة في بني هاشم اُو مخزوم

ولا فتاة في المدينة في خدرها

إلّا اُو طلعت تلطم الهام ابعشرها

اُو أمّا البتولة سمعوا الونة ابقبرها

بالأمس ضلعي اِيكسّرونه اُو كبدي اليوم

يهل المدينة ونة الزهرا اِسمعوها

حتّى ابقبرها اِتصيح كبدي قطّعوها

عنّي الصفايح يا لمحبّين اِرفعوها

بظهر على الدّنيااُو بشوف اشصاير اليوم

كبدي قبل كبد الحسن بالطّشت طاحتْ

اُوروحي قبل روح الحسن بالحور راحتْ

واِنكان زينب في العزا صاحت اُوناحتْ

زينب بكت بادموع وانا دمعي اِدموم

قالوا يزهرا سبطك الزاكي الطاهر

سموه اُولاد الزواني والعواهر

ليتك ترينه ايتوح كبده والمراير

يبكي على اِفراقه السبط والدمع مسجوم

واِحسين نادى اُولزم ظهره بالأيادي

ظهري كسرته يا عضيدي اُويا سنادي

وابصدرها زينب تضمّه اُوهي تنادي

كبد البتولة من حشاها طاحت اليوم

اِلزم على كبدي يخويه اِحسين بيدك

اُوسكّت إلى النّسوان عن همٍّ يزيدك

الله اُولحد هاليوم باتفارق عضيدك

كبدي تراهي اتقطّعت من كثر لسموم

بوصيك بولادي عن التشتيت لمهم

إنته أبوهم يا خليصي واِنته عمّهم

لو غمّضت عيني عسى الله ايدومك اِلهُم

والعمّ بولاد الاُخو يحسين ملزوم

قله عجل سلّم على الزهرا اُوجدّك

واَخبر اُبوك المرتضى ابتقطيع كبدك

يا ليتني فدوة اُوضمني اليوم لحدك

شوف الحريم اِتنوح يمّك واُمّ كلثوم

مات الحسن يا حيدر الكرّار مسموم

والله عجايب يا علي يهنى لك النوم

شبلك يحيدر سمته جعدةالدعيّه

واَمسى يحيدر شارب الكاس المنيّه

ودّع اُولاده واَجدب الونة خفيّه

اُو حوله تحن واتنوح زينب واُم كلثوم

نادى الحسن في وين اخويه اِحسين عنّي

قصدي أباودعه وريده يودّعني

اِتمنّيت اَنا ما كان ساعة يفارقني

لكن قضى الله والذي في اللوح محتوم

واِحسين اِينادي عيشتي كشرة بليّاك

خذني يخويه بالقبر باروح ويّاك

اِيذوب قلبي لا بكت حولي يتاماك

ما اُوحش الدنيا عقب عينك يمسموم

مات الحسن واتزلزلت مكّة اُو اطيبه

اُو الأملاك تنعى مات سردال الحريبه

وآشوف حيدر بالنّجف طول الغيبه

لَحد يبو الحملات من خواتك اليوم

ويلاه يوم اِحسين ودّع للشفيّه

اُو نادى يخويه شمتتْ العدوان بيّه

إنته بارض طيبة وانا بالغاضريّه

جسمي لعجدل!والغسل من فيض لدموم

خويه ابهوادي الليل تبكيك المحاريب

خويه المنابر عقب عينك شقّت الجيب

ياخوي عيشي من عقب عينك فلايطيب

اُوعيني عقب عينك أبد ما تقبل النوم

اُو زينب تنادي الحسن خويه يا ولينه

واشمتتْ الشامات يابن اُمّي علينا

لَحد يراعي الجود يا راعي السكينه

نصبت عزاك اليوم زينب واُم كلثوم

مات الحسن وانهدم سور الهاشميّه

هذي المدارس أصبحت بعده خليّه

مات الزكيُّ ابنُ الزكي اُو ظلمّت ادياره(١)

واسمع حنين اليوم ينعى وسط داره

والمجد أضحى باكي إدموعه اتّجاره

والدين أصبح يصفق إبيَد خليّه

يومٌ دنت منّه المنيّة ابن النّبيِّين

نادى ابعباس البطل لَم النّساوين

عبّاس سرّع بالعجل نادوا لي اِحسين

يحسين خويه داستمع منّي الوصيّه

صاح الحسن وامزج اِدموع العين بالدَّم

اُوصيك لا تهرق بأمري محجمة دَم

هاللي فعل بي في القيامة سوف يندم

يومٌ تنادي اُو تشتكي الزهرا الزكيّه

قلة يخويه إخوتك واُولاد عمّك

كُلْهم يخويه يطلبون اليوم دمّك

قلي يخويه من تعدى لك اُوسمّك

اُوخلّا الكبد منا يخويه ملتظيّه

متواعدين اِقطام واجعيدة علينه

هذيك في الكوفة اُوهذي في المدينه

اُوصابت يخويه حيلة الثنتين فينه

كُلْ من علينا اِيدوّر اَسباب المنيّه

لَحد يخويه اِنكسر سيف اللي ابيميني

لَحد يخويه فرقوا بينك اُوبيني

لحد يخويه اُو شانت الدّنيا اِبعيني

معذور بعدك لا تمنّيت المنيّه

من فرقوا بيني اُو بينك ما تهنّيت

أظلم عليّه منزلي واستوحش البيت

حنّيت لفراقك يبعد أهلي اُونّيت

ما أوحش الدنيا عقب عينك عليّه

سمعتْ حبيب المصطفى جعدة اللعينه

وابقي الشهيد اِحسين من بعده ولينه

اُوجاتِ الحُميرا وقاتلتهم كُلّ القتال

اُو قالت أبد ما يندفن في بيتي اِمحال

لو تنفني عدنان كُلْها أول اُوتال

يحسين قلبي ممتلي منكُم ضغينه

ذاك الشهيد الْلي قتلتوه وسط داره

ملزوم هذا اليوم أنا أطلب اِبثاره

هذا قبر عثمان مبعد عن قراره

باقصى المدينة دافنينه

لا تشغلونا في حربكم يا مغاوير

تدرون ما أطلع أنا في ساعة الخير

وفي وسط بيتي تدفنون الحسن ما يصير

قلها أبو فاضل فلا اِحنا شايلينه

إحنا الحرايب والوقايع فننا دوم

يا ما فنينا اِصفوف واسفكنا من اِدموم

يحسين رخّصني أبا شهر سيفي اليوم

اُو نرغم اُنوف القوم لا تشمت علينه

قالوا بني عدنان ما يشفي لغلنا

يحسين خلنا اِنصول لو عن طبق نفنا

خلنا نتحالف كُلّنا اُو نوفي حلفنا

اُو عبّاس جاها اُو شاهر السيف ابيمينه

واِحسين قله بوالفضل دغمد اِحسامك

ما هوه يومك بوالفضل يومك أمامك

في يوم وقعة كربلا جرّد اِحسامك

يوم يجو ليك اِبطفلهم حاملينَه

نُوحي على الاُولاد يا زهرا الحزينَه

في كربلا واحد اُواحد في المدينه

واتفرقوا عنّك اُوصار الشّمل تبديد

واحد من اجعيدة قضى واحد من ايزيد

واحد دفن عنّك اُواحد عنّك ابعيد

قبر الحسن عندك اُو قبر اِحسين وينه

حطّوا يزهرا اليوم في دارك عزيّه

بالدار ناصبها غريب الغاضريّه

وانتي يزهرا بالصفايح مختفيّه

ليتك يزهرا اليوم حاله تنظرينه

يجدب الونه اُو ينظر ابعينه يتاماه

واِحسين عنده ينتحب ويصيح ويلاه

ليتك تشوفينه يودع جملة ابناه

واِحسين يبكي اُو بالدموع المقل عينه

ليتك تشوفين الحسن في صدر لحسين

اِمسندله ابصدره اُو يجرى مدمع العين

والكل منهم قابض الثاني بليدين

ويقول أمر كوّنه الباري علينه

ما قلت يا وارث اعلوم النبوّه

اقطع ولا تواصل عديمة هالمروه

إيّاك تاكل زاد جعدةهالعدوّه

خفنا اُومنها ما اَسلمنا ياولينه

قله شربت السم قبل الساعة أمرار

ولا شفت من هالحرارة عشر معشار

الماي لو منّي شربته ينقلب نار

ايقطع لكبدي مثل امواس السنينه

يحسين وا ويلاه من شيّ اَقاسيه

اَعظم على كبدي من اجراح المواسي

إلزم افّادي يا عزيزي اُوتاج راسي

ترا عضيدك فرقوا بينك اُوبينه

لهفي على سبط النّبي سمّوه لنذال

من زود حر السّم طاح الكبد في الحال

ما راح للمسجد قصد بيت الحزينه

قالت مهو معتاد هالساعة يجينه

معلوم يا فضّة اِنصبنا في ولينه

خوفي افتجعنا في ولينا بنت لندال

قلها يبنت المصطفى حالي مهو زين

سكتوا من الضجّة اُونادوا ليّه اِحسين

نادوا اُولادي واِخوتي والطالبيّين

قالت يخويه لا تفاولني اِبهالفال

أشفت غليل اِعداي بنت اَشقى البريّه

سكتوا من الصيحة اُونادوا حسين ليّه

مادري بعد يلحق لوما يلحق عليّه

ساعة ولن البيت ضايق ممتلي اِرجال

يبكي عليك الكرم يا أكرم هل الكون

يا أكرم الأجواد في ربعهِ المسكون

ما صار مثلك في الكرم أبداً فلا يكون

صاحتْ جميع الفقرا انقطعت الآمال

واِحسين جاله والنساء متحاولينه

اُو زينب اتنادي يا ولينا إنولينة

ما اُوحش الدنيا يبو محمّد علينه

أفنى اَهلنا الدهر ما بقى لنا اِرجال

صارت صوايح يا علي في بيتك اليوم

يا حيدر الكرّار في ثار الحسن قوم

شالوا الجنازة واقبلت ذيك العدوّه

اتنادي عليهم يا أهل بيت النبوّه

لا تدفنون الحسن في هالدار قوّه

ردّوا بولدكم من قبل يعداكم اللوم

اسمع حكيها اُو شمّر اذراعه العبّاس

اُوقالها يبنت الأوّل اللي سيّس الساس

سمعي جوابي اُو يسمعه الحاضر من النّاس

لازم حرايب لوليّه ترجع اليوم

عبّاس جاها اُو بالوعايد[ أرعد ]اِرعيد

ويقول قتّال الاُخو ما هو من اِبعيد

يحسين خلنا اليوم نفعل كلّما انريد

اُو ندفن اُوخونا بالغصب لو نُقتل اليوم

نادى عليهم يأهل السؤدد المنعوت

ليكون قتّال الاُخو إبثارنا ايفوت

حورب يقنبر في المدينة وارفع الصوت

وصيح يا ثارات الحسن هو ثاره اليوم

يهلي البكا والنوح ما هو فن الرجال

خلو البكا والنوح فن ربّات الحِجال

ولا الجباين ياهلي تدفع الآجال

والموت ما يأخذ أمس من عمره اليوم

قالت بني عدنان أبداً ما نشيله

ذاليوم حتّى ما يسيل الدم سيله

ردّي يبنت الأوّل اُوكوني ذليله

والّا حرايب لوليه ترجع اليوم

اِمن اقلوبنا يحسين ما تبرد غلايل

إلّا ابهيجة ضُمر اُوسلّت سلايل

والّا ابوقعة انخلّي فيها الدم سايل

ما تنفع الحسرة اُومش الدمع باكموم

ما تنفع الحسرة ولا يبرد لنا اغليل

إلّا ابهيجة ضمر اُوسلت مساليل

اووقعة فيها الدما يجري كما السيل

والسيف ياخذ راس كُلْ من يظهر اليوم

احنا ابجنازة اُو تشغلينا بالحرايب

واتعرفي بني عدنان ماضين الضرايب

والله لو آمر اندفنه بها لترايب

اندفنه اُولو تفنى بني هاشم اُو مخزوم

نادى اعليه حسين يازين السجايه

مثلك يخويه بوالفضل ما يطيش رايه

نقتل قتيلاً ما فعل فينا جنايه

شيلوا اُخوكم للقبر يعداكم اللوم

عبّاس يا خويه يبو النفس الأبيّه

فوّض يخويه أمرك الربِّ البريّه

واحنا يخويه امتابعين أمر الوصيّه

واسمعت اُخوك ايقول تركوا سفك لدموم

شالوا الجنازة اُوجات لهم بنت(١)

من فوق بغلتها تصكْ يمنه بلشمال

من حولها العسكر تحشّم تنتخيهم

ليكون اُولاد المرتضى اِيدفنوا أخيهم

باروح ويّاكم اُو با جرّح عليهم

ما يندفن جسم الحسن في بيتي اِمحال

من حين وصلتهم اُو نادتهم تشيلوه

يحسين شيلوا جسم اُخوكم لا تخلّوه

عثمان في أقصى المدينة اُوذا تدفنوه

في وسط بيتي يندفن هذا من اِمحال

أقبل محمّد اُويصفق اليسرى بليمين

يومٌ على ظهر الجمل لينا اِنتي لفيتين

اُو يومٌ على بغلٍ تحشمين

اُولولا الوصيّة اِمن الاُخو أبداً مينشال

ما تذكري يوم الجمل اخترق الصفوف

يا ما بطل خلّيت لا رأس ولا كفوف

وانكان ردّت للحرايب لفني اِصفوف

واَفعل فعايل تنذكر في أوّل اوتال

العبّاس لمّن سمعها أقبل إليها

والمرهف إبأيده اُوبغى يُومي عليها

واِحسين قلّه لا تدير الفكر ليها

دعها يبو فاضل ترى هي تايه البال

قلّه اُودمعه فوق وجناته تسيلي

يا سيّدي يا حسين ما تخلّي سبيلي

أشفي اِبها لساعة إبثاري غليلي

واَفعل فعايل تضرب اِبهالنّاس لمثال

نوحي على المسموم يا زهرا الحزينَه

نُوح الحمام اُوحشّمي أهل المدينه

حطّي عزا الاُولاد زهرا اُوشقّي الجيب

اُوخلّي مَد الأيام حزنك وانشري الشيب

واجري ادموعك فوق صحن الخدِّتسكيب

وانتين طول الدهر يا زهرا حزينه

لو تنظرين الحسن فوق الفرش مطروح

والسّم سرى بجسمه ويعالج نزعة الرُّوح

واِحسين عنده ينتحب والدمع مسفوح

يبكي عليه اُو يصفق اِشماله اُو ايمينه

ويقول يا ليت العمر لا طال بعدك

يا ليت حاضر ينظرك هاليوم جدّك

إيشوفك يخويه بالطّشت تايح لكبدك

يعز على جدْنا يخويه مَعْ أبونا

نادى الحسن يحسين دنِّ الطشت عندي

هالساع برمي بالطشت يحسين كبدي

صح الحديث الْلي وعدنا بيه جدّي

آنا أموت اِبسم وادفن في المدينه

لكن امصابك هوّن اِمصابي عليّه

يومٌ تسافر لا طفوف الغاضريّه

إهناك خويه اِرزيّتك أعظم رزيّه

كني اِبراسك فوق خطّي شايلينه

اُوكني اِبها لحُرّات تنعى فوق لكوار

من غير كافل يالاُخو ما بين كفّار

يا ليت ينظرها أبوها حامي الجار

اُو ينظر عليلَك فوق ناقة اِمقيدينه

يا ليتني ويّاك حاضر يوم الطفوف

أفدي اِبنفسي عن جنابك حرّ لسيوف

لكن أنا عندي وصيّه لك يملهوف

في يوم حربك زوّج الجاسم اسكينه

وداعة الله يا أبو محمّد يمسموم

رحت اُوبقي بعدك اُخوك اِحسين مهموم

واِحسين من كثر البكا ظل ايتأوّه

جعدة يزهرا من قَبل لينا عدوّه

قتلتْ أخونا المجتبى بالسّمِّ قوّه

والدين بعد اِفراق أبو الأيتام مهضوم

اِليبكي على فقدك ببو محمّد فلا يلام

يا مقصد الوفّاد يا كافل الأيتام

كمّ كتيبة طاعة ابسيفك يضرغام

بالسّم تموت اِنته وخوك اِحسين مظلوم

عندك وصيّة اِيقول اُخوك اِحسين لينه

ويقول لازم تعطي الجاسم اِسكينه

وقت الخروج اِيقود ناقتها ابيمينه

حتّى يباري حول سكنه واُمّ كلثوم

قلها اليحامي دونك الضرغام عبّاس

اِيقود ابيمينه زمام ناقتكم الفرّاس

واِنتي تعرفينه حليف الدرع والطاس

ويفرق القيمان لوهي مثل الغيوم

ليته معانا يوم نطلع بالضعينه

ويشوف جاسم نور يلمع من جبينه

في جنبه الأكبر اُو عبّاس ابيمينه

شايل البريق والهواشم حوله إتحوم

محلا علي لكبر يماشي ولد عمّه

يمشي اِبهمّه اُوهوّه قايد هودج اُمّه

اِتصير المدينة عقب طلعتهم امظلمَه

اُو يبقى محمّد من بعدهم شارب اُهموم

يَمّ الحسن مأجورة يَمّ الحسن مأجوره

غمّض عزيزك عينه يَمّ الحسن مأجوره

بدر طلع من برجه اُو عجّل عليه اِمغيبه

اُو هالوا عليه اِترابه يَمّ الحسن في طَيبه

ياهي عليكم فجعة اُوياهي عليك اِمصيبه

غمّض عزيزك عينه يَمّ الحسن مأجوره

طرّي اللحد يا زهرا اُو شوفي العزيز الغالي

اُوشوفي عضيده بعده ينعى اِبصوتٍ عالي

ظهري اِنكسر من بعدك يا يميني واِشمالي

هذا عزيز اُفّادك يَمّ الحسن مأجوره

والْلي اِبرباه إسهرتي وابفمه إتشمّينه

إيفجّر اِصخور الجلمد زهرا اِبكثر اُونينه

في الطشت تايح كبده يا ليتك تشوفينه

هذا عزيز اُفادك يَمّ الحسن مأجوره

ما تسمعين الصيحة والزلزلة والنادي

واِحسين عنده يبكي ظهري اِنكسرياسنادي

وأمّا الحزينة زينب تبكي اُوتحن واتنادي

غمّض عزيزك عينه يَمّ الحسن مأجوره

سمّه حرق لفاده اُوفي الطشت تايح كبده

واِحسين ينعي عنده ظهري اِنكسرمن بعده

يا لليت شفتي حاله زهرا اُو حضرتي عنده

غمّض عزيزك عينه يَمّ الحسن مأجوره

شيلي الصفايح قومي يَمّ الحسن نظري له

نصبي العزا في داره طول الدّهر وابكي له

إبنك يزهرا اِبشدّة وانتين ما جيتي له

غمّض عزيزك عينه يَمّ الحسن مأجوره

جبريل نادى في السما اُوهل الدمع دَم

يهل المدينة للزكي نصبوا المآتم

ثار السبط لمّن سمع صوت لمنادي

لَحّد يخويه اِنكسر ظهري يا سنادي

اِبفقدك يخويه شمْتت اِعلينا الأعادي

جاروا عليك اُوقطّعوا كبدك من السّم

ولا فتاة في خدرها اِمن المدينه

إلّا اُوطلعتْ تلطم الهامة حزينه

واِحسين حوله ما يبطّل من ونينه

اينادي انفصم ظهري يخويه يا غشمشم

كبدي قبل كبدك يخويه قطّعوها

اُوروحي قبل روحك يخويه ذوّبوها

اُوزينب اِبفقدك يا خليصي روّعوها

بالأمس اَبوها غاله الطاغي ابن ملجم

واَهل المدينة سمعوا الزهرا تنادي

ما جرمتي حتّى اتقاضوا من اُولادي

سُمّ أصاب ابني الحسن فتت اُفادي

اِيحق لي لزيد الحزن لبني واَبكي اِبدم

اُو زينب تلمّه في صدرها اُو تهمل ادموع

واتقول جسمي من اِفراقك صار موجوع

اُوجسّام منّه يا عضيدي إحتنت لضلوع

يصفق اِبراحة اُو على الخدّين يلطم

والله أنا قاسيت كُلْ اِمصاب أهلي

جدّي وبويه انقتل في فرضه يصلّي

ولا بقى غير السبط من جملة أهلي

في كربلا موعود جسمه ينخضب دم

وعبّاس نادى اُوشاهر السيف ابيمينه

اُوصوّت ثلاث أصوات في أرض المدينه

يا أهل الغيرة ثوروا الثارات أخونه

اُوخلّوا خيول العاديات اِتخوض بالدّم

نادى الحسن يحسين دنِّ الطشت منّي

ترى يخويه الكبد منّي فارقتني

والله ابهذا السم جعدةذوّبتني

كبدي تلظّت يا خليصي اِبوجة السّم

من حين راسه يا خلق للطشت دنّاه

كبده مع السم اِنزلت حين تقيّاه

صاح السبط لجْله اُوصرخ ويلاه ويلاه

يا ليت يومك قبل يومي ما تقدّم

جبريل نادى في السما يا زينب المحزونه

قومي إلى اُوداع الحسن من قبل ماتفقدونه

صارت صوايح في السماوالأرض في زلزالَه

اُو زينب لفت في ضجّه واُدموعها همّاله

بحسين أخوهانادت خُوك الحسن ماحالَه

قلها يزينب خونا وجهه تغيّر لونه

طاحت عليه اِتقبْله تبكي اِبصوتٍ عالي

يا خويه يا صيوانّه يا شيخ كُلْ اِرجالي

ضيعْتني يابن اُمّي الله اُو لَحْد يا لوالي

يا ليتني في قبرك قبلك أنا مدفونَه

فتّح اِعيونه اُونادى يحسين غمّض عيني

وقت المنيّة يالاُخو اُوصيك مد اِيديني

ليت الدهر ما فرّق ما بينك اُوما بيني

صوتي عقب هالساعةيحسين مااتسمعُونه

غمّض اِعيونه اِبروحه في حال نزعة روحه

من اِخوتَه واِعياله كثرة عليه الصّيحه

اُو زينب حزينة اِتنادي واِدموعهامسفوحه

هاليوم راح اسنادي اُو ظلّيت أنا محزونَه

وَوحش عليّه المنزل ووحش عليّه النادي

والبست ثوب الذله من يوم ارح اسنادي

في داعة الله رايح عنا يسبط الهادي

بالله يشيّال النعش خلّه هَله اِيودعونه

واِحسين ظل اِينادي والدمع منّه جاري

اِنته الضّمد يا خويه واِنته الهزبر الضّاري

اِنته تموت اِبسمّك وآنا الْلي أبقى عاري

في كربلا اِيذبحوني اُوراسي أنا ايشيلونه

أنا بغسل جسمك واَنا فلا لي غاسل

اُوجسمي يظل اِمجدّل والدم منّه سايل

نعشك أنا شيّاله اُونعشي فلا له شايل

ليتك ترى صيواني يوم العدى اِيحرقونه

مات الحسن يا زهرا ليتك حضرتي موتَه

ليتك حضرتي بدرك يوم أبلعتّه الحوتَه

ليتك حضرتي بدرك واِمنازعه واعلاجه

وامن الحشا طفّيتي نيرانه الوهّاجه

واَهل السما في ضجّة والنّاس في نزعاجه

والكُل يصيح اُويبكي ردّي القمر يا حوتَه

ليتك حضرتي بدر نور البدر من نُوره

حَوله جميع اُولاده وادموعهم منثوره

اُو بنت اجعيدة جذلانة مسروره(١)

اُو زينب تقوم اُو تقعد واِمن الحزن مبهوته

يا حور يهل الجنّة تنشدكم المحزونَه

قصر الزبرجَد لخضر لا منهوا تزينونه

قالوا الكبير اُولادك الحسن ما حَد دونه

ما تنظرين إلّا نسا راحت اِتعاين موته

طاحت يخويه كبدي واَلزم عليها بيدك

اِنته يخويه اِعضيدي واَنا يخويه اِعضيدك

آنا يخويه اشبيدي واِنته عليّ اشبيدك

كبدي أنا المتقطعة لو كبدك عليْ مفتوته

يحسين آنا وياكم باقي سواد الليله

واِمن الصبح يابن اُمّي نعش الاُخوباتشيله

نالوا المطالب فينا أهل الغدر والحيله

والموت لازم منّه مَن له سهم ما يفوته

آنا قضيت النوبة في الشربةِ المسمومه

واسّبِّبت في قتلي هالرجسة الميشومه

واقصورنا في الجنّة مبنيّة اُو معلومَه

قصري زبرجَد أخضر وقصرك إنتْ ياقوته

هذا قضى الله جاري والْلي وعدني جدّي

معلوم ثابت عندي بالسّم تقطّع كبدي

اُو هذا عليّه هيّن من حيث لنّك عندي

لكن مصابك يالاُخويدعي الكبد مفتوته

واِحسين ظلّ إينادي ابحرقة قلب وابلوعه

اِفراقك بعد يعضيدي خلا الكبد موجوعه

ياخوي بتخلّيني أحمل مذلّة اُوضيعه

اُوحزنك سطابافّادي اُوكبدي غدتْ مفتوته

حرّة عليك اُولوعة حرّة عليك اُولوعه

يا بني الحسن في قلبي حرّة عليك اُولوعه

حوّى أنا شافتني وآنا اشتكي واتلوّه

يابني بكى لك آدم يابني اُوبكتْ لكْ حوّى

كلما بغيت أتصبّر في اُوجوهم واتقوّى

حلّت عليك اِبقلبي حرّة عليك اُولوعه

أهلك كستها الرنّة وآنا كستني الرنّه

معتاد لن الفاقد النُّوح شغله اُوفنّه

وآنا هجست اِمصابك يابني ابوسطِ الجنّه

يابني الحسن صابتني حرّة عليك اُولوعه

وآنا كستني الرُّوعة واَهلك كستها الرُّوعه

معتاد لن الفاقد الحزن يحني اِضلوعه

وآنا اَصبحت في الجنّة يابني بك المفجوعه

حلّت عليك ابقلبي حرّة عليك اُولوعه

اِتمنّيت لني حاضرة يوم الكبد تقذفها

وآني أصك اِبكفّي اُو زينب تصكْ ابكفها

لَحد يراية عزّي دار الزمان اُولفْها

يا بني آنا صابتني حرّة عليك اُولوعه

هالدهر دون الاُمّة في عثرتي اِتقصّدني

ما صار مثلي فاقد ما حّد أصابه حزني

غالوا لشبلي الزاكي وامصيبته صابتني

في وسط لحدي حلّت حرّة عليك اُولوعه

يا حورماتخبروني باللي جرى اِعلى اُولادي

أصبحت أنا موجوعه من حرقةٍ بافّادي

واشوف دمع اعيوني يجري اعلى خدَي غادي

في وسط قلبي حلّت حرّة معاها لوعه

أصبحت اَنا مهمومة ولا عرفت السبّه

في وسط قلبي صارت نار غدتْ مشْتبّه

قالوا يزهرا سبطك نحبه قضاه اِبشربَه

بالسم تايح كبده وانتِ به المفجوعَه

نعش الحسن ريضوا به نعش الحسن ريضوا به

لجل الحزينة زينب نعش الحسن ريضوا به

بالهون في شيلتكُم بالهون في تنزيلَه

اِمشوا على مشيتنا والله اِطرحوه اِنشيله

طرحوا نعش والينا خلّو اليتامى اِتجي له

تتزود اِمن اُوداعه نعش الحسن ريضوا به

زينب تريد اِتشوفه اُو زينب تريد اِتْشمّه

اُو باتودّعه أيتامه قبل الْلحد ميضمّه

طرحوا نعش والينا باتجي العزيزة يمّه

لجل الحزينة زينب نعش الحسن ريضوا به

يا شايلي شيّاله اِمشوا على ممشانا

لا تزعجون الممشى واِمشو ابمهل ويّانا

ترب البقيع استبشر واحنا حرق لحشانا

لجل الحزينة زينب نعش الحسن ريضوا به

لا تسرعون الممشى بالهون با لشلتونه

اِمشواعلى مشي النّساحتّى اِنهم اِيحضرونه

ويودّعون اِجنازته من قبل ما تدفنونه

اُولجل الحزينة زينب نعش الحسن ريضوابه

اُوزينب ابحسرةاِتنادي بيك العدى صابوني

لَحد يسوري العالي خويه ويا نُور اِعيوني

اِتمنّيت أنا ياخويه من قبلك اِيدفنوني

لجلي اُولجل أيتامه نعش الحسن ريضوا به

يحسين اُخونا رايح بالعجل صَك اِمضيفَه

وامدارسه غلقوها اُوياه دفنوا سيفَه

اُوخلّوا دعي سفيانها يبطر اُو يعمل كيفَه

الإسلام ما طب قلبه الكفر لابس ثوبه

الغاضريّة ما مثلها الغاضريّه

فازت على الكعبة اُو سماوات العليّه

الغاضريّة اِتقول للكعبة اِنحطّي

عن شرفي بالْلي ثووا في جنب شطِّي

لجساد عندي اُوروسهم بالقنا الخطّي

واَرواحهم في حضرة القدس العليّه

قالت بدا منّك على المظلوم تقصير

ليتك نبعتي ماي يوم أنّه حفر بير

لو لم يكنْ إلّا رويتي الطفل لصغير

اُومنّه الشرف نلتي يأرض الغاضريّه

نزلوا على أرضك وانهتك بيها اِحماهُم

اُوماتوا عطاشى واِرتويتي من دماهم

لاويش فيك أطفالهم ماتوا اِبظماهم

والماي من شطّك تشربه بني اُميّه

قالت إليها ابهالحكي لا تخاطبيني

قصّري اِعتابك والعتب لا تعاتبيني

آثرني الله بالشرف ما تنظريني

عافك اُوطيبة عافها اُوجا قصد ليّه

آنا إلّا أرض ما سكن بيَّ الساكنْ

مالي اِسم معروف بين الناس لكنْ

لمّن نزلني اِحسين طابت بي الأماكنْ

فضلٌ من الله اُو فضل ذرّيّة نبيّه

وآنا الخلايق ما تفارقني ولا ساع

ترجى الجزا اِمن الله اُومن مكسور لضلاع

اُو تربي جعله الله شفا اِمن اِجميع لوجاع

من رحمةِ الباري اُومن جوده عليّه

ولا نبيّ ولا ملك إلّا أتاني

اُودون الأراضي بوعلي خصني اُوجاني

تعنّالي الزوّار من قاصي اُوداني

نلتْ الفخر من حلْ أبو السجّاد بيّه

يا كربلا كَم من مصايب فيكِ صارتْ

يا كربلا كم من مصونة فيكِ حارتْ

اِبحور العلم يا كربلا بارضِك توارتْ

اُو باقي البقية بوعلي شمس المضيّه

يا كربلا نلتي فخر دون الأراضين

اُو نلتي الشرف يا غاضريّة اِبذبحة اِحسين

تعنى لك الزوّار من كُلّ البلادين

لا وين يا زوّار قالوا الغاضريّه

لا وين يا زوّار قالوا أرض لطفوف

اِنزور الذي ظلوا بلا روسٍ ولا اِكفوف

واِحسين مرمي والعوادي فوقَه اِتْطوف

شالوا اِبراسه اُوظلّت الجثّة رميّه

اُو يوم القيامة اِيزلزل الباري الأراضين

واِنتي أمينة اِمن البلا ماشي تشوفين

كرامة للي ابتربكِ اِمعفّر الخدّين

والراس منّه اِنشال فوق السمهريّه

كُلْ الفخر نلتين ياَرض الغاضريّه

أرضك حوت لَقمار واشموس المضيّه

نلتي الثُّريا اُو بالأمس كنتي ثراها

اِباي وسيلة كربلا واِباي وجاها

قالت اِبدم سال في أرضي اُورواها

دم الشهيد اِحسين وارجال الحميّه

بالأمس انتي اتراب اُوصرتي اليوم تربه

تربك شفا المرضى عن اِعلاج الأطبّه

قالت اِبدم اِحسين وادموم الأحبّه

عمرت اقفاري اُودورهم ظلّت خليّه

آنا إلّا تربة من قبل ما كنت أنزار

أرض خليّه اُو ساكنيني اُوحوش لقفار

واليوم ارضي بالمشاهد تسطع أنوار

من كُلّ فجٍّ تعتني الزوّار ليّه

متهنيّة يا كربلا اِبما ربِّي أعطاك

نلتي فخر به تفتخر جملة الأملاك

لجل الذي بارضك قضى اُوعطّل الأفلاك

سبط النّبي اُو شمامة الزهرا الزكيّه

نلتين فخر كربلا ما اَحد ناله

ما نالته الكعبة ولا عرش الجلاله

اِحسين ظامي اُو بالعطش ماتت اَطفاله

والماي من شطِّك تشربه بنو اُميّه

أرضك ثوت أثمار فيها اُوغابت اِشموس

ياما جثث فوق الثّرى ظلّت بلا روس

واَرواحهم راحت إلى جنّة الفردوس

بانوارهم يا كربلا صرتي امضيّه

يا كربلا كم فيك صاحتْ من صوايح

يا كربلا كم فيك ناحتْ من نوايح

على غريب في اِترابك ظلّ طايح

وا حسرتي رضّت اِضلوعه الأعوجيّه

كُل الفخر نلتينه كُل الفخر نلتينه

يا كربلا من حظّك كُل الفخر نلتينه

أرض المدينة روضة اُو بغداد اَرضها روضه

ولا بلد نزلوها إلّا أرضها روضه

وانتي عليهم فزتي بالجثة الموضوضه

واِنتي عليهم فزتي ابجسم تضمنينه

طوبى إلك من تربة يالساطعة بانوارك

يوم القيامة الجنّة مكتوبه الزوّارك

هيهات ما يتحاسب من يندفن باِجوارك

اَكرام للي اتعفرت في تربتك خدّينه

وازيارتِك قال النّبي سبعين حجّة اِتعادل

ما تنقطع زوّارك منهم امقيم اُو شايل

يرجو الشفاعة من غريبٍ ظل دمه سايل

طوبى لهم لا مَن أتوا يوم الحشر يرجونه

لا بدّ ما يأتونه واِمن الجزا يجزيهم

من كُلّ هول اُوشدّة واِمن الفزع ينجيهم

حاشى على ابن المرتضى بالضّيق مايخلّيهم

كيف أنّهُ اِيخلّيهم اُوهم لهُ ايقصدونه

أمّا الألف آل النّبي اُو خير البريّه

والبا اِبعرصَت كربلا ذبحوا سويّه

والتا تفانت بالثرى اَنصار الحسين

والثا ثووا من غير تغسيل اُو تكفين

والجيم جدّد حزن باقلوب النساوين

والحاء حوى شبان وادي الغاضريّه

والخا خوافر بارزة من ذيك لخدور

والدال دكّت بالثرى شبّان واصقور

والذال ذوّب كبدَهم فقدان البدور

والرا رأتْ زينب إلى فقد الشفيّه

والزاي زيّد حزنهم نوح اليتامى

والسين ساقوا مخدّراته كالأيامى

والشين شبّوا نارهم وسطت اخيامهم!!

والصاد صبر اِحسين بارض الغاضريّه

والضاد ضاقت في فسحها ذيك لوهّاد

والطا طمّت وقعة كموج البحر مدّاد

والظا ظلّوا اِتدوسهم عسكر ابن زياد

والعين عرّيس اِنذبح في الغاضريّه

والغين غابت بالثرى أقمار غالب

والفاء فقد اِحسين شيّب للذوايب

والقاف قبل اِمسيرهم قاسوا مصايب

والكاف كافلهم على الغبرة رميّه

واللام لوعوا لليتامى قوم لنذال

والميم ماتوا من الظما واركوب لجمال

والنون نسوانٌ بقت من غير اِرجال

والواو والي الحرم كبده منفريّه

والها هواتف بالسما تبكي اُو تنادي

اُولام الألف لبنِ النّبي تبكي الشدادي

الله يدنيا كيف جازيتي الهادي

اُو باوقعة صارت إبارض الغاضريّه

عاشور هَلّ اِهلالَه عاشور هَلّ اِهلالَه

هلّت ادموع محمّدمن شاف هلّ اِهلالَه

إيقولون هلّ اِمحرّم واقبل لنا باحزانه

حزني على سلطان شال اُومشى ابشبانه

قاصد أراضي الغربة واَوحش علينا اَوطانه

وابقيت أحن اِبداري اُوعاشور هلّ اِهلاله

قالوا إليّه اتصبّروا إنته بعد تسليهم

قلهم فلا اتصبّر وبانصب مآتم ليهم

شبّان طلعوا عنّي هيهات أنا أسليهم

واعظم عليّه الليلة عاشور هلّ اِهلاله

قالوا إليّه تسلا إمن هالبكا واللوعه

واطلب عسى الله ايعوده واطلب من الله رجوعه

قلهم أبد والينا هيهات لينا اِرجوعه

هذي المدارس موحشة اُو عاشور هلّ اِهلاله

يا هي بقلبي امصيبة اُوياهي ابقلبي حسره

اتمنّيت أنا ويّاهم يوم الحرب والنّصره

ياما خليت اِسروجها يوم الجمل بالبصره

لكنْ قضى الله عاقني اُو عاشور هلّ اِهلاله

قالوا تسلا قلهم هيهات وين السلوه

أسلي وخويه منطرد عن دار جدّه قوّه

مادري اشصابهامن العدى والدهربيه اشسوى

شال ابحريمه واِخوته حتّى رضيعه شاله

واَنا الذي باحروبي كُلّ العدى ايعرفوني

يوم الجمل بالبصرة اُوصفّين ما ينكروني

يا ليت اَنا ويّاهم لازم ظهر ميموني

ما كاتب الله اُورايد أصير اَنا من اِرجاله

يا ليتني في الوقعة يوم الحرب ويّاهم

لَفعل فعايل ماجرت وافني ابسيفي اَعداهم

بالحرب أواسى اِخواني واتصبر روحي افداهم

لو كنت انا ويّاهم كنت العلم شيّاله

وانا الذي متهولني اِصفوف العدى اُوفرسانها

اُونفسي أبدما تكترث بابطالها اُو شجعانها

واَنا لهب بالغارة لو مَن ورث نيرانها

اُومنّي الفوارس تجفل في ملتقى الخيّاله

يبكي محمّد يوم قالوا هل لهلال

حنّ اُوتزفّر واصفك ليمنه بالشمال

قالوا تسلّا قال حاشا اَسلّي احسين

واسلّي إخواني الأربعة من اُم للبنين

واسلّي الجاسم واِخوته واسلّي العليّين

لَحّد يسلّيني ولا حدْ يطلب اِمحال

عندي خبر مثل الوحي ما فيه تكذيب

عندي من المعلوم لا شكّ ولا ريب

أنهُ يموت اُو ينذبح في كربلا اِغريب

كني اِبراسه شايلينه فوق عسّال

يا عونة الله اِعلى هضم تشتيتِ ليتام

يا غيرة الله ايسيّرون الحرم للشام

والله لا أفرح ولا اسلّي ولا اَنام

إشلون أنام الليل وانسى الدهر ميّال

راحت الدولة وانطوى الشاهر علمنا

لَحّد يخويه اُوفاتت الأعدا ابدمنا

مدري يخويه مِن بقي يرجع حرمنا

لهفي الخواتي ايركّبوها فوق لجمال

وانكان تبغون الخبر يهل المدينه

روحوا إلى قبر النّبي اُوسمعوا ونينه

ما تسمعونه اِيصيح سبطي ذابحينه

في كربلا اُو جملة اِخوانه اُو كُلّ لعيال

لا تنكروني تعرفوني ما انا اِردود

آنا محمّد والذي في الحرب معدود

لو كُنت حاضر كربلا كنت اروي العود

وافعل فعايل ما فعلها أوّل اُو تال

يا ما حملت العلَم قدّام السريّه

اُوياما بعد دارت دوايرها عليّه

ما فاتني إلّا الحرب بالغاضريّه

الله ياهى نصرة فازت اِبها اِرجال

إتمنّيت حاضر يوم تصطك الأسنّه

وارخت فوارسها لدى الهيجا الاعنّه

لا تحسبوني اِمن المرض جرّيت ونّه

لكن ذكرت الحال زينب ويا لطفال

يمتى يجي المندوب ويصيح البشاره

يهل المدينة زيّنوا الحسين داره

نذرٌ عليّه لعطي الطارش اِبشاره

وانشر بيارق في المدينة ايمين واشمال

لاحّد يسلّيني ترى مانا ابسالي

آنا مريض اِمن المرض مانا اِمبالي

واشوف منزل بوعلي يا ناس خالي

لَحّد يسلّيني ولا حدْ يطلب اِمحال

يبكي محمّد حين شاف اِهلال عاشور

حَنّ اُوتزفّر والدمع بالخد منثور

حينٍ تنظّر للهلال هل اِدموع عينه

حنّ اُوتزفّر واصفق اشمالَه ابيمينه

اينادي متى يحسين بتعودوا علينه

هذا قضى الله والذي سوّى المقدور

هذا قضى الله ما أحد يقدر يردّه

عندي خبر بالغاضريّة ما تعدّى

اُوضعن الحرم مِن يرجعه يا ناس بعدّه

مأجور يا حيدر علي باِحسين مأجور

الله يثيبك يا علي اُويحسن لك اِعزاك

باخبّرك حيدر ما بقي واحد من اَبناك

إتمنّيت روحي يا عزيزي راحت اِفداك

ويا بني عمّي اُوخوتي ذيك البدور

إيحق لي عقب عينك لخلّي النوح دأبي

والمرض موذيني واَنا ما انا اِمئابي

هذا قضى الباري علَي واللي جرى بي

أجذب الحسرة اُو مدمعي بالخدِّ منثور

اُو عندي الكبرى تنتحب واتقول عمّي

هلّ للمحرم يا شفيّه اُو زاد همّي

بس من نظرته جلب حسراتي اُو غمّي

اُو جاءتني الأحزان اُوعني راح لسرور

أقلها تسكّني من البكا لا تهيجيني

تدرين منّه زادت أحزاني اُوأنيني

مدري متى الأخبار عن خويه تجيني

يمتى يجيني خبر خوك اِحسين منصور

يبكي محمّد والدمع بالخدِّ منثور

يحسين ريّض الضّعن باودّع هلبدور

اِينادي يخويه والدمع بالخدِّ غدران

ريّض لضعن يحسين باودّع الشبّان

لاوين شايل يا بقيّة آل عدنان

يحسين من بعدك علينا موحشة الدور

اِتزفّر محمّد وانتحب واَهمل العبره

اُوضمّه ابصدر اُوحبّ راسه اُوشمّ نحره

اُونادي على اَخوانه اُوهو يجدب الحسره

دوروا على ايميني اُوعلى اِشمالي يلبدور

يا حسين اُوصيكم ترى هو علّة الكون

لَيكون يا نجوم السعد والعزِّ لا يكون

لو ضاقت احلفها عن الوالي تحيدون

جولوا على الأعداء اُوحوموا حوم للصقور

اِتزفّر أبو فاضل اُوصب الدمع هتّان

ما يحوج توصينا يخويه يوم لطعان

لازم يجيك الخبر طيبة بالذي كان

واتقر عينك من فعلنا اُو قلبك اينور

واِتزفّر العرّيس عنده اُو جدب ونّه

اُو ناداه ما يحتاج توصينا يعمنَه

هذا خلف بونا اُو هذا خلف جدّنه

والكُلّ قلبه بالفدا لحسين مسرور

واِتزفّر الأكبر اُوصب الدمع همّال

اُوناداه ما يحتاج توصينا يمفضال

ما تشوف مشيتنا عن اِيمينه اُو لشمال

سلّ القمر حفّت حوالي نوره اِبدور

واتواثبت اُولاد حيدر ترعد اِرعيد

اُونادوه ما يحتاج توصينا يصنديد

لا تخاف يوم الزعرعة عن عزّنا انحيد

تخسى العِدى تدناه يمحمّد يمبرور

اُو هذا الخبر عندك يبن حيدر يقيدوم

باتجى لك الأخبار باللي ايصير معلوم

مثل الصقور اِنحوم من فوق العدى حوم

بانزلزل الدّنيا اُوحتى الفلك ما يدور

ويش هالنخاوي يا محمّد ويش هلرجاف

لا يحتزنْ قلبك على اِعضيدك ولا يخاف

لو تبلغ الجيمان حدْها لا جبل قاف

ابعونة الله اِنخلي اِدماهم كما لبحور

حِطّ العزية اُو نوح يابن الحنفيّه

سافر عضيدك بو علي للغاضريّه

أوحشت يا لوالي منازلنا علينا

يا عزّنا العالي اُو ريحانة نبينا

الله يعودك يا ولينا للمدينه

اِسأل عسى ما تستوي الغَيبة بطيّه

الله يعودك للمنابر والمدارس

خلّيت ابيوتك والمساجد والمجالس

بعدك يبو السجّاد مَن للدين حارس

يا حامي الإسلام يا راعي الحميّه

خلّيت قلبي اِمن الحزن يحسين طاير

يمتى تجي للدار يا شيخ العشاير

ما ظنتي سيفك عن العدوان قاصر

كان القضاء بيحول دونك يا شفيّه

خذني معك يحسين من جملة اِرجالك

روحي اُو نفسي اُو عزوتي كُلّها فدا لك

خذني عن اِيمينك يخويه لو شمالك

قدّام عينك يا ولينا في السريّه

لا خير في الدنيا عقب فرقاك يحسين

اِشبيدي على دهري قصرني عَنَك يحسين

من عين صابتني عماها الله من عين

الله يعودك للمنازل يا شفيّه

اِمع السلامة يا سنادي الله ويّاك

قلبي فلا يسلي ولا يصبر بليّاك

تخلِي المنابر يا لولي واتعوف مرْباك

اُو بتروح اُو تخلي منابرنا خليّه

صبح محمّد ناصب المآتم على احسين

يصفق اِبراحاته اُو منّه تذرف العين

اِمن النُّوح بطّل قال ما بطِّل مناحي

واَعمي اِعيوني اِمن البكى واصفق لراحى

واَنصب المآتم في مسائي وفي صباحي

معذور لو أنتلف من حزني على احسين

معذور لو أنا أصب الدمع سكّاب

والجيب أشقّه اُوفوق راسي أحثي اِتراب

متفطّرة كبدي ترى اِمن افراق لحباب

واَعظم على قلبي اِفراقي اِسنادي احسين

اِمن اَهلي ثمنتعشر بدر غابوا بساعه

والقمر هاللي تزهو الدنيا اِبشعاعه

راعي الحميّة والرّياسة والشجاعه

اُوحاوي الكرم والفخر واِخصال الحميدين

كُلهم اِبليل دامس ساقوا الضعينه

اُوعافوا جواري اُو صحبتي اُوعافوا المدينه

يا ليتني في الضعن أمشي عنْ يمينه

واَصير منهم وألزم اِركابات لحسين

ألزم اِركابه حين يركب للمطيّه

واَخدم عضيدي في صباحي والعشيّه

واَصير منهم من اِذباح الغاضريّه

وافوز معهم بالشهادة عندِ لحسين

واَفوز مَعْهم بالشهادة يومُ لطرادْ

مثل البطل عبّاس والأكبر ولمجادْ

واِتصير معهم جثّتي من فوق لوهادْ

فوق الثرى من غير تغسيلٍ اُو تكفين

واِتدوس صدري مثلهُم خيل الدعيّه

اُوينشال راسي مثلهُم بالسمهريّه

والشمس تصهر جثّتي اشوى عليّه

أهون علَيْ من أسمع النّاعي على اِحسين

ويلاه ما ليّه قبر في ذيك لقبور

ويلاه ما ليَّه صدر بالخيل مكسور

اُويلاه مانا من ضحايا يوم عاشور

ويلي على اِخواني اُوا حزني على اِحسين

يحسين ردْ اِبها الضعينة للمدينه

لا تروح وادي الغاضريّة با ولينا

شالوا بني عدنان من مكّة اُوطيبَه

مثل الاُسود النازلة اِبيوم الحريبَه

واِحسين قدّام الضَّعن الله يجيبَه

يمتى ترد يحسين ياخويه علينا

يحسين بعدك دوركُم ظلّت خرايب

قلبي ينور العين ذاب اِمن المصايب

يمتى تجي يحسين يا سبع الحرايب

يوم السّعد من يلفيِ المندوب لينا

يمتى يجي المندوب قوموا وصل الحسين

أقبل ابقومه اُو عزّوته اُوكُلّ النّساوين

سالم عسى الله يرجعَك يا قرّة العين

يا ليتني ويّاك قدّام الضعينَه

يحسين بعدك منزلي ظلْمه نواديه

لو من لفانا الليل واَبدانا اِبهواديه

أذكر مزايا بوعلي خويه اُو نواديه

يهل الحميّة والشّيم عُودوا علينا

ما حد غدرْ بيِه الدّهر مثلي ولا خان

في يوم واحد فارقتْ شيباً اُوشبّان

عبّاس والجاسم اُوعون اُوكُل لخوان

اُوكُل الحمولة فارقت أرض المدينه

واَعظم عليّه يوم هل اِهلال عاشور

يومٌ نظرته سال دمع العين منثور

عندي عِلم مثل الوحي في اللوح مسطور

أبداً ولا غيّابنا ترجع علينا

لَحَد يخويه ما طلعنا لك اِبمفزاع

ولا حضرنا اِطرادكم خويه يمنّاع

شدّوا جَوادي والمطيّة باَلحق اِحسين

ويلي على ذاك الاُخو مدري نزلْ وين

مادري الكوفة لو خْلفَت الدرب يحسين

ما هي الكوفة كربلا عندي اِستطلاعْ

يحسين ما هي بالحميّة والمفازيع

والأسد ما يصبر اُوهو يسمع زعازِيع

لولا القضا واللهِ ما نرضى ولا نطيع

وآنا غرامي نازلة بساعة المفزاع

بالأمس يوم المرتضى والعلَم منشور

يا ما على العدوان حمنا حوم لصقور

يا ما هدمنا اِصفوف أعظم من بنا السّور

والأرض ما نشفت ولا طير الفلا جاع

يحسين متفيد التماني والتزافير

طيرٌ بلا جنحان ما له مقْدَرة اِيطير

بيني اُو بين ابن النّبي حالت مقادير

وآنا الذي بالزلزلة ما قلبي ارتاع

نصرك علينا يا لولي معلوم واجب

وابنصْرتك يحسين أولى امن الأجانب

وآنا الذي معروف في كُلّ الحرايب

معروف فعلي أبد ما يقربني اِشجاع

خلّوا البكى والنوح لي يَهلِ المدينه

كُلْ حين أزور المصطفى واَسمع ونينَه

في وسط قبره ِيصيح سبطي ذابحينه

في كربلا مذبوح واِمْكسّر الأضلاع

في داعَة الله اُوفي أمان اللهِ يحسين

ما هيّه شيلة سفر هذي شيلة البين

واِنْ سايلوني اَهل المدينة قاصد الوين

شاقول يا ذخري اُو يا عزّي يمنّاع

طول الغيبة اِحسين باَراض الغاضريّه

يمتى يجى المرسول منّك يا شفيّه

والله اِفراقك يا عضيدي فتّت اِحشاي

من يوم وفّادك لفت يا حامي اِحماي

عيشي تكدّر يا عضيدي وازاد بلواي

دابي أنوح اُوأجدب الونّة خفيّه

من شِلت عنّي ما هنا عيشى اُوزادي

اُو كثْر الحنين امن النّسا ذوّب اُفّادي

اُو هذي الوفد يحسين جت من كُلِّ وادي

جتْ لك على المُعتاد يبغون العطيّه

بعدك يخويه اليوم ينعى في المنازل

اُوجوفي نحيل اِمن المرض والدّمع سايل

وا ضيعة الوفّاد بعدَك والأرامل

الله يعود اِحسين للدّور الخليّه

يمتى يخويه تلتقي عيني اِبعينَك

ويّاك قومي اُو عزوتي اُو جملة بنيّك

اِتمنّيت أشيل العَلَم قدّامك وَعينَك

يا حَيِّ ذاك الوجه منّك ياشفيّه

يمتى تجي يحسين يا نور المدينه

حتّى يزول الضيم عنّا يا ولينا

هذي المنازل خاليه اُوبنْتك حزينَه

بعدك يخويه أظلم المنزل عليّه

إربيت بظلالك اُوزال اليوم عنّي

واليوم بعدك ما بِسَم بالفرح سنّي

اُو لديار بعدك يا عضيدي توحّشني

ما أوحش الدّنيا عقب عينك عليّه

في داعَة الله يا قبر جدّي يمبرور

عنّك اِمسافر بالحمولة اُو غالق الدُّور

ما هو اِبطيبي سفرتي غصباً عليّه

طيبة أخلّيها واَروح الغاضريّه

اُو تبقى مدارسنا اُو منابرنا خليّه

من عقب ما هي مزهوة اِبزهرة هلبدور

أوّل تبدَّ بالظلم حبتر يمختار

للدار جانا بالحطبْ والجزل والنّار

اُو حرقوا يجدّي دارنا اُوقادَوا الكرّار

يا ليت عينك تنظره بالحبل مجرور

واِتواثبوا الشنّين يا جدّي علينه

إقطام بالكوفة اُوجعدة في المدينه

اُونالوا مناهم والذي راموه فينه

اُوخلّوا علينا يبتهج جوّاب لحمور

والْلي وصّيت ابها البتولة روّعوها

بالباب والحايط يجدّي اَعصروها

اُومنْ شدّة العصْرة يجدّي اَسقطوها

ليتك تراها والضلع بالباب مكسور

واِبقيت أنا حاير وصب اِدموع عيني

واشوف ميراثي الأعادي غاصبيني

أبكي على ذيكِ الحمولة اِمفارقيني

ضمني اِبقبرك يا رسول الله يمبرور

اِقعد يجدّي شوف من باِبنك فديته

خارج من اِجوارك بجملة أهل بيتَه

لأرض المنايا والقدر حانتْ منيته

ضاقت بنا البلدان اُوضاقت كُل البرور

قلّه اِتروح إلكربلا واتِخْذَّها دار

حتّى لشيعنا تنجّيهم من النار

اُوكُل مِن بكا ابحسرة اُو تعنّى اِلقبرك اُوزار

الزاير إله حقٌّ على مِن جاله اِيزور

اُو يوم الحشر يا بني تجي جثّه بلا رأس

والدّم من نحْرك يثور اُو حولك الناس

واِتجي البتولة اُوفي يديها اِكفوف عبّاس

واتصيح وا حزني الذبايح يوم عاشور

إنصدع قلب المُصطفى اُوناداه يحسين

خفّ البواكي يالولد يا قرّة العين

إنصدع قلب المُصطفى قلّه يمظلوم

خلّيت دمعي يالولد بالخدِّ مسجوم

كنّي أشوفك بالثرى عاري بلا هدوم

والنّحر مبري اِمن القفا اُو مقطوع ليدين

كنّي أشوفك في فيافي الغاضريّه

مرمي على الرمضا تدوسَك لعوجيّه

والراس منّك فوق راس اِلسّمهريّه

اُوجثتك تظلْ من غير تغسيلٍ اُو تكفين

كنّي أعاين صحبتَك صرعى مطاعين

واُولاد اُخوك الحسن واِخوانك ولبْنين

حتّى رضعيك يذبحونَه يا ضيا العين

محسوب منْكم يا لولد يا قرّة العين

اُوكنّي أشوف اِمخيّمك محروق بالنّار

اُوكنّي أشوف اِمخدّراتك فوق لكوار

من غير أقنعه يالولد في أيد الفجار

من بعد عزّوتها تظلْ بيد الملاعين

وأمّا العليل اِيركّبونه فوق ناقه

مكشوف رأسه والحبل يجرح لساقه

تبكي صخور الصُّم من شدّة وثاقه

وجعان فاقد عزّوته ما تم له اِمعين

يا بني لوادي كربلا شدّ الضعينه

ما لك قبر يحسين في أرض المدينه

قبرك باَراضي الغاضريّة حافرينه

مكتوب تُدفن يا لولد من غير تكفين

في داعَة الله يا غريب الغاضريّه

والله اِفراقك يا لولد يصعَب عليّه

لَنصب إلك يحسين في قبري عزيّه

واَبكي ونادي يا شهيد الطفِّ يحسين

إقعد يهادي الاُمّة لحسين عاين حاله

إمن المدينة شايل ويّا هَله واِرجال

وسْطِ اللحد ضمّوني يا مصطفى ويّاكُم

لا حاجة لي في البقا يا جدّ بين اِعداكُم

يا جدْ أنا يَردوني أشيل من ملجاكُم

هذي كتبهُم بيدي أهل الغدر محتالَه

بس غاب عنّا شخصك ثارت علينا الاُمّه

اُو غصبوا الخلافة منّا والكُلّ يطلب دمّه

واِتفرّقت لمّتنا من عقب ذيك اللمّه

من بعد ذيك العزّة صرنا اِبأسوء حاله

يا جدّ اُمّي الزهرا باِسياطهم ضربوها

لضلوع منهااِتكسّرت اُومن الإرث غصبوها

اُوشيبةأبويه المرتضى اِبفيض الدماخضبوها

في وسط فرضه اُوفرّقوا بينه اُوبين اِعياله

واِبقيت أناواعضيدي من عِقب ذيك الدّولَه

بين العدى واِسيوفهم باِرقابنا مسلولَه

اُودسّوا اللعينة اِجعيدة اُوسمّت عضيدي غيلَه

واِبقيت ما لي ناصر ألوذ تحت اِظلاله

ولا صديقٌ جاني إلّا عدوٌّ جاير

متحيّر يا جدّي والله دليل الحاير

خُذني يجدّي عندك وسط القبر بالحاير

لا حاجة لي أنْ أبقى في دنيةٍ ميّاله

ما زال يبكي الجدّه ممّا جنته الاُمّه

واَلا اِبجدّه جا له واَحنا عليه اُوضمّه

قبّل جبينه اُو نحره اُو ظلّ الأمين اِيشمّه

ويخاطبه واِدموعه مثل المطر همّاله

اُو قال الشهادة يا بني ما لك مناصٌ منها

واَرض البلا والكربه لا بدّ ما تسْكنها

اُوجثّة رببتها(١) كفّ العدى تطعنها

اُو تبقى رميّه اِعلى الثرى واِتدوسها الخيّاله

ويجيك سهمٌ نافذ واِنته على ميمونك

من كفِّ رجس ماردٍ فوق الثرى يرمونك

واتحوط بيك العسكر يبغون باينحرونك

واتفر منّك خيفة واِتصير في زلزاله

ويجيك شمر الطاغي اُو يُوطي اِبنعله صدرك

ويسل سيفه ابغيّه ويمكّنه في نحرك

ويحزّ رأسك منّك ويصير أخر عمرك

اُوينشال راسك بالرمح واِسنان اِله شيّاله

يحسين روح الغاضريّة اُو غلّق الدور

يحسين ما لك في المدينة قبر محفور

غلِّق منازلنا اُوروح الغاضريّه

ولا تْخلّي إبطيبة اِمن اُولادك بقيّه

وآنا عليكُم في القبر بانصب عزيّه

اُو باصيح وا سبطي بأرض الطفِّ منحور

غلِّق منازلكُم اُوشيل اِمن المدينَه

يحسين هذي شيلتَك غصبَن علينه

قبرك بأرض الغاضريّة حافرينه

يوم انّجي لك بعد ذبحك يا بني اِنزور

ضمّه لحتّى لصق صدر اِحسين صدره

واَحنى عليه اُو قبّله اُو شمّه اِبنحره

اُونادى على المظلوم اُوهو يجذب الزَّفره

يبني ترى اَنّك تنذبح في شهر عاشور

يحسين كُلنا نجتمع بالحشر ويّاك

واِنته بليّا رأس من حولك الأملاك

اُو تبدي الشكاية اِمن النَّحر يا بني لمولاك

يا ربِّ خلّونا بنو اُميّة بلا اقبور

واُمّك تنادي في الحشر في وين لحسين

اِيجيها الندا اِمن الله يزهرا دنظري زين

هاللي تشوفينه بلا رأسٍ ولا اِيدين

هذا الشهيد اِللي اِنذبح بالطفِّ منحور

واِتجي لك اتظمّك اُومنهاالقلب ملهوفْ

واِتشمّك اِبنحرك اُومنها الدَّمع مَذروفْ

يا نور عيني منْ قطع منّك هلكفوفْ

يحسين ميّت بالظّما اُو بالسيف منحور

اُو تصرخ لحتى الحشر يرتج من بكُاها

اُو تصرخ العالم بالحشر كُلهم معاها

تلطم على الهامة ولا تْبطّل نعاها

اُولادي يربِّي ذبِّحوهم يوم عاشور

ودّع قبر جدّه اُومنّه تهمل العين

واَقبل الرّوضة إلى قبر ستِّ النّساوين

اُو روّى ضريح الهاشميّة منِ دموعه

واِمن الحزن والهم ِّمحنيّة اِضلوعه

اُومِن جور عدْوانه نفى عنّه اِهجوعه

اُو كُلّ زفرته اُو نوحه على ما حلّ بالدِّين

اُو نادى دقعدي يا زكيّة ودّعيني

عنّك يزهرا شايل بجملة بنيني

اُولاد الجنا(١) عن دار جدّي طارديني

اِيريدون منّي اِمبايعة نسل الدعيِّين

قعدي من الحودِك يزهرا يا زكيّه

ماشي عن جوارِك لأرض الغاضريّه

شايل اِرجالي اُو عزوتي كُلهم سويّه

ليتِك ترينا في ظلام الليلِ ماشين

ما هو اِبطيبي سفرتي يا هاشميّه

إفراق طاها المُصطفى غصبن عليّه

الله كاتب حفرتي في الغاضريّه

نُذبح عطاشى اُو نندفن من غير تكفين

من بعدكم قوم الضلالة اِستوحدوني

اُوسمّوا خليصي والأرث منّه اِغصبوني

اِيريدون يا زهرا عقيبه يذبحوني

ليهم أحقادٌ من بدر واَيّام صفّين

جاروا عليّه من بعدكُم والدَّهر خان

واِستوحدوني من بعدكُم آلُ سفيان

خويه قضى مسموم وآنا اِبقيت حيران

أصفق اِكفوفي واَجدب الحسرة ولحنين

بلْغي سلامي جدّي الهادي اُو حيدر

اُو قولي ولدكُم من بلا دهره تمرمَر

جسمه اِنتحل والقلب من همّه تفطّر

جار الدهر فينا اُو خلّانا طريدين

أمست الزهرا في قبرها زايدة اُونين

واِتقول وا حزني على اِفراق اِبني احسين

يحسين يا بني هيَّجت حزني عليّه

لجلك اِبقبري لابِسه ثوب الرزيّه

أبكي عليكُم يا ضحايا الغاضريّه

الله كاتب كربلا تحويك يحسين

فطّرت كبدي من اُوداعك يا حبيبي

يحسين هذي طلعتَك من غير طِيبي

لَعمي اِعيوني بالبكا واشقّ جيبي

واَلطم على راسي ونادي يا ضيا العين

حزني عليكُم يا ذبايح شهر عاشور

اُو حزني على أجساد تبقى ما لها اِقبور

بانصب المأتم ليك يا بني طول الدّهور

ليلي اُو نهاري واَنتحب واَصيح يحسين

والله مصايب من عظمّه اِتضيق لنفاس

مادري على مَن أنتحب واَلطم على الرّاس

لبنَك علي لو حقّ أبو فاضل العبّاس

يبقى على لمسنّات جثّة ما لهه اِيدين

لو للذي بالغاضريّة اتعرّسونه

يا عرس لَكشر يوم عرسه يذْبحونَه

عرّيس ما شفنا إبدمّه اِيخضّبونه

اُو يبقى جنازة بالعرا من غير تكفين

ودّع الزهرا وقام حاوي المفخر اِحسين

واَقبل إلى قبر الحسن يصفق الكفّين

واَنكب على قبر الحسن والدَّمع يجريه

اُوروّى ضريح اِخليصه من دمع عينيه

اُو زعْزع ضريح الحسن من كثرة بواكيه

يا خوي من بعدك علَيْ جاروا الملاعين

اُو نادى بصوت اِيفتّ قلب اللي يسمعَه

إيدٍ على راسه اُوإيدٍ فوق ضلعَه

في داعَة الله ما أظن يا خوي رجعَه

لرض المدينة في جمعنا يحدِي البين

[فرضك](١) قضيته يا خليصي ابسمِّ قتّال

واِبقيت من بعدك أقاسي اِهموم واَهوال

وعن وطن جدِّي زاعجيني قوم لنذال

ثاروا عليّه اُو طالبوني اِبثار صفّين